Հայաստանի բասկետբոլի հավաքականը հաղթանակ տարավ Կոստա Ռիկայի նկատմամբ առաջին ընկերական խաղում

Հայաստանի բասկետբոլի ազգային հավաքականը (FIBA 91), ամերիկացի մասնագետ Ռեքս Քալամյաեայի գլխավորությամբ, վստահ հաղթանակ տարավ Կոստա Ռիկայի հավաքականի (FIBA 74) նկատմամբ առաջին ընկերական խաղում։ Հանդիպումն անցկացվեց հունիսի 7-ին՝ Ֆրեզնոյում (Կալիֆորնիա) և ավարտվեց 86:62 հաշվով՝ հօգուտ Հայաստանի թիմի։

Հայաստան — Կոստա Ռիկա 86:62

Հայաստանի հավաքականի ավագ Անդրե Սփայթ-Մկրտչյանը դարձավ հանդիպման ամենաարդյունավետ խաղացողը՝ վաստակելով 21 միավոր, 6 անդրադարձ, 4 փոխանցում և 1 խլում։

Արտյոմ Թավաքալյանը նույնպես փայլեց խաղում՝ վաստակելով 18 միավոր, 5 անդրադարձ և 3 փոխանցում։

NCAA-ից Կոնոր Էսսիջյանը թիմի ակտիվին ավելացրեց 15 միավոր, 3 անդրադարձ և 2 փոխանցում։

Եվս մեկ NCAA խաղացող՝ Անտո Բալյանը, հանդիպումն ավարտեց 9 միավորով, 5 անդրադարձով և 2 փոխանցումով։

Այլ արդյունավետ խաղացողներ էին՝
Ալբերտ Թադևոսյան — 6 միավոր, 3 անդրադարձ,
Ավետիս Կարագավուրյան — 7 միավոր,
Զաք Թավիտյան — 4 միավոր, 5 անդրադարձ,
Դավիթ Խաչատրյան — 3 միավոր, 5 անդրադարձ,
Քսավյե Քիլիսյան — 3 միավոր։
Յուրա Մելիքյանը և Դանիել Կիրակոսյանը չհավաքեցին միավորներ։

Հայաստանի և Կոստա Ռիկայի հավաքականների հաջորդ ընկերական խաղը կկայանա հունիսի 9-ին՝ Գլենդեյլում (Կալիֆորնիա), Կալիֆորնիայի ժամանակով՝ հունիսի 8-ին, ժամը 19:00-ին։