Հայաստանի հավաքականը սկսել է հավաքը՝ Բելառուսի դեմ խաղից առաջ

Հայաստանի ազգային հավաքականը սկսել է նախապատրաստվել առաջիկա միջազգային հանդիպմանը։ Մարտի 22-ին թիմը մեկնարկել է ուսումնամարզական հավաքը ՀՖՖ Տեխնիկական կենտրոնում / Ֆուտբոլի ակադեմիայում, որտեղ ժամը 18:00-ին անցկացվել է թիմի առաջին մարզումը։

Առաջին օրը մարզումային գործընթացին միացել է ֆուտբոլիստների խումբ, որոնք ներկայացնում են ինչպես Հայաստանի առաջնության առաջատար ակումբները, այնպես էլ արտասահմանյան թիմերը։

• Հենրի Ավագյան - «Փյունիկ» 
• Արսեն Բեգլարյան - «Ալաշկերտ»
• Արման Ներսեսյան - «Արարատ Արմենիա»
• Գոռ Մատինյան - «Ուրարտու»
• Կամո Հովհաննիսյան - «Արարատ Արմենիա»
• Արսեն Սադոյան - «Ալաշկերտ» 
• Էդգար Գրիգորյան - «Արարատ-Արմենիա»
• Էրիկ Փիլոյան - «Ուրարտու»
• Խուլիո Բուենո - «Արարատ-Արմենիա»
• Ստյոպա Մկրտչյան - «Նյուրնբերգ» (Գերմանիա)
• Արտյոմ Բանդիկյան - ԲԿՄԱ
• Կառլեն Հովհաննիսյան - «Փյունիկ»
• Արթուր Ասկարյան - ԲԿՄԱ Երևան
• Կարեն Նալբանդյան - «Ալաշկերտ»
• Արթուր Սերոբյան - «Արարատ-Արմենիա»
• Նարեկ Հովհաննիսյան - ԲԿՄԱ Երևան
• Ֆին Գերագուսյան - «Սանդերլենդ Մ-21» (Անգլիա)

Մարզչական շտաբը՝ Եղիշե Մելիքյանի գլխավորությամբ, աստիճանաբար հավաքում է ամբողջական կազմը. մնացած հրավիրված ֆուտբոլիստները կմիանան թիմին մարտի 23-ին և 24-ին։

Հավաքը անցկացվում է Բելառուսի հավաքականի դեմ ընկերական հանդիպմանը պատրաստվելու շրջանակում, որը կկայանա մարտի 29-ին Երևանում։ Խաղը տեղի կունենա Վազգեն Սարգսյանի անվան Հանրապետական մարզադաշտում և կմեկնարկի ժամը 18:00-ին։