Հայաստանի հավաքականը՝ ԱԱ-2026-ի ընտրական փուլի ամենապահաճանաչ թիմերից մեկը
- Հեղինակ: Vahe Hakobyan
- Sportaran
Հայաստանի ազգային հավաքականը շարունակում է օրինակելի կարգապահություն ցուցադրել Աշխարհի առաջնություն 2026-ի ընտրական փուլի ընթացքում։ Երեք խաղից հետո թիմը ստացել է ընդամենը երեք դեղին քարտ՝ ցուցանիշ, որը երկրորդն է բոլոր եվրոպական թիմերի մեջ։ Ավելի քիչ խախտումներ ունի միայն Իսպանիան՝ երկու դեղին քարտով։ Նույնքան նախազգուշացում ունեն նաև Շվեյցարիան և Անգլիան։
Կարևոր է նշել, որ մինչ այժմ ոչ մի հայ ֆուտբոլիստ բաց չի թողել խաղ որակազրկման պատճառով, որը գործում է երկու դեղին քարտ ստանալու դեպքում։
Սակայն այսօր Իռլանդիայի դեմ հանդիպումից առաջ մարզչական շտաբն ու երկրպագուները հատուկ ուշադրությամբ հետևում են Գևորգ Հարությունյանին, Էրիկ Պիլոյանին և Կամո Հովհաննիսյանին, որոնցից յուրաքանչյուրն արդեն ունի մեկ դեղին քարտ։ Եթե նրանք ստանան ևս մեկը, ապա ստիպված կլինեն բաց թողնել նոյեմբերի 13-ին կայանալիք տնային հանդիպումը Հունգարիայի դեմ, ինչը լուրջ կորուստ կլինի թիմի համար։
Քննարկեք նորությունները!
Անցնել մեկնաբանություններին ↓
Comments
0