Հայաստանի ազգային հավաքականը սկսել է պատրաստվել Կոսովոյի և Չեռնոգորիայի դեմ հանդիպումներին

Հայաստանի տղամարդկանց ազգային ֆուտբոլային հավաքականը մայիսի 31-ին սկսեց մարզական հավաքը ՀՖՖ Տեխնիկական կենտրոնում/Ֆուտբոլի ակադեմիայում։ Այսօր կեսօրին կկայանա առաջին մարզումը, իսկ երեկոյան ամբողջ թիմը միասին կդիտի Չեմպիոնների լիգայի եզրափակիչը՝ աջակցելու նախկին ավագ Հենրիխ Մխիթարյանին։

Հավաքին մասնակցում են հետևյալ 27 ֆուտբոլիստները։ Բոլորը արդեն միացել են հավաքականին և կսկսեն մարզումները Ջոն վան՛տ Սխիպի ղեկավարությամբ։

Հենրի Ավագյան – «Արարատ-Արմենիա»
Արման Ներսեսյան – ԲԿՄԱ
Արսեն Բեգլարյան – «Վան»
Անատոլի Այվազով – «Վան»
Վարազդատ Հարոյան – «Փյունիկ»
Կամո Հովհաննիսյան – «Արարատ-Արմենիա»
Էդգար Գրիգորյան – «Արարատ-Արմենիա»
Սերգեյ Մուրադյան – «Նոա»
Հովհաննես Համբարձումյան – «Նոա»
Պետիկ Մանուկյան – ԲԿՄԱ
Նաիր Տիգնիզյան – «Լոկոմոտիվ» (Մոսկվա, Ռուսաստան)
Գեորգի Հարությունյան – «Պուշկաշ Ակադեմիա» (Հունգարիա)
Ստեփա Մկրտչյան – «Օսիյեկ» (Խորվաթիա)
Էդուարդ Սպերցյան – «Կրասնոդար» (Ռուսաստան)
Նարեկ Գրիգորյան – «Ֆարուլ» (Ռումինիա)
Էդգար Սևիկյան – «Լոկոմոտիվ» (Մոսկվա, Ռուսաստան)
Տիգրան Ավանեսյան – «Արսենալ Տուլա» (Ռուսաստան)
Թոմաս Ադորյան – «Բանֆիլդ» (Արգենտինա)
Գոռ Մանվելյան – «Նոա»
Կարեն Մուրադյան – «Արարատ-Արմենիա»
Հովհաննես Հարությունյան – «Արարատ-Արմենիա»
Դանիել Ագբալյան – ԲԿՄԱ
Դավիթ Հակոբյան – ԲԿՄԱ
Արթուր Սերոբյան – «Շերիֆ» (Տիրասպոլ, Մոլդովա)
Արթուր Միրանյան – «Ունիվերսիտատեա Կլուժ» (Ռումինիա)
Ժիրայր Շաղոյան – «Արարատ-Արմենիա»
Արայիկ Էլոյան – ԲԿՄԱ

Հունիսի 5-ին հավաքականը կմեկնի Պրիշտինա, որտեղ հունիսի 6-ին Ֆադիլ Վոկրի մարզադաշտում կանցկացվի առաջին ընկերական հանդիպումը Կոսովոյի հավաքականի դեմ։ Խաղը կմեկնարկի Երևանի ժամանակով 21:00-ին։

Հունիսի 7-ին հավաքականը կմեկնի Պոդգորիցա։ Հունիսի 9-ին կմեկնարկի հանդիպումը Չեռնոգորիայի հավաքականի դեմ Նիկշիչ քաղաքի «Քաղաքային» մարզադաշտում՝ Երևանի ժամանակով 22:00-ին։

Կոսովոյի հավաքականի կազմը։
Չեռնոգորիայի հավաքականի կազմը։