Ադամյանը չի կարողացել խզել պայմանագիրը «Կյոլնի» հետ՝ «Օսնաբրյուկ» տեղափոխվելու համար

Հայ հարձակվող Սարկիս Ադամյանը, որը պետք է արդեն տեղափոխվեր Գերմանիայի երրորդ լիգայի «Օսնաբրյուկ» ակումբ, դեռևս չի կարողացել «Կյոլնի» հետ պայմանավորվել պայմանագրի վաղաժամկետ խզման մասին։

Հարձակվողի գործող պայմանագիրը «Կյոլնի» հետ նախատեսված է ևս մեկ տարի և համարվում է ակումբի ամենաթանկարժեքներից մեկը․ Ադամյանը մնում է թիմի ամենաբարձր վարձատրվող խաղացողը, սակայն այս մրցաշրջանում նա չի մտնում մարզչական շտաբի ծրագրերի մեջ և չի խաղալու։

Կողմերի միջև բանակցությունները շարունակվում են, սակայն համաձայնության հասնելու շանսերը քիչ են։ «Կյոլնը» չի ցանկանում փոխհատուցում վճարել պայմանագրի խզման համար, իսկ Ադամյանը պատրաստ չէ խզել պայմանագիրը առանց այդ պայմանով։

32-ամյա ֆուտբոլիստին կարելի է հասկանալ՝ սա, հավանաբար, նրա կարիերայի վերջին մեծ պայմանագիրն է։ Սակայն կա վտանգ, որ եթե նա ամբողջ մրցաշրջանը բաց թողնի, մեծ ֆուտբոլ վերադառնալը չափազանց բարդ կլինի։

Ադամյանը նախորդ մրցաշրջանի վերջաբանը անցկացրեց վարձակալությամբ «Յան Ռեգենսբուրգում», որը դուրս մնաց Երկրորդ Բունդեսլիգայից։ Այնտեղ նա անցկացրեց 16 խաղ և խփեց 2 գոլ։