Սամվել Տերտերյանը՝ մինչև 20 տարեկանների Եվրոպայի առաջնության կիսաեզրափակչում
- Հեղինակ: Vahe Hakobyan
- Sportaran
Հունիսի 30-ին Իտալիայի Կաորլե քաղաքում մեկնարկեց հունահռոմեական ըմբշամարտի մինչև 20 տարեկանների Եվրոպայի 2025 թվականի առաջնությունը։ Մրցաշարի առաջին օրը գորգ դուրս եկավ Հայաստանի հավաքականի հինգ ներկայացուցիչներից հինգը, որոնցից մեկը՝ Սամվել Տերտերյանը, կարողացավ հասնել կիսաեզրափակիչ։
77 կգ քաշային կարգում հանդես եկող Տերտերյանը վստահ հաղթանակ տարավ քառորդ եզրափակչում՝ 10:1 հաշվով առավելության հասնելով Ռուսաստանի ներկայացուցիչ Գամզատ Հաջիևի նկատմամբ։ Կիսաեզրափակիչում Տերտերյանի մրցակիցը կլինի Ադրբեջանի ներկայացուցիչ Դավուդ Մամմադովը։
Մյուս հայ ըմբիշները՝ Լևոն Քազարյանը (55 կգ), Ալեքս Մարգարյանը (63 կգ) և Սեյրան Կիրակոսյանը (130 կգ), մեկական հաղթանակ են տարել, սակայն պարտվել են քառորդ եզրափակիչներում։ Յուրիկ Պետրոսյանը (87 կգ) պարտվել է առաջին գոտեմարտում։
Չնայած պարտություններին՝ չորս ըմբիշները դեռ ունեն բրոնզե մեդալ նվաճելու հնարավորություն։ Եթե նրանց մրցակիցները հասնեն եզրափակիչ, ապա հայ ըմբիշները կշարունակեն պայքարը սփոփիչ փուլում։
Կիսաեզրափակիչները կմեկնարկեն այսօր՝ Երևանի ժամանակով 20:00-ին։
Քննարկեք նորությունները!
Անցնել մեկնաբանություններին ↓
Comments
0