Ռաուլը կարող է դառնալ հայկական հարձակվողի մարզիչը

Մադրիդի «Ռեալի» նախկին հարձակվող Ռաուլը կարող է հայտնվել այն ակումբի մարզչական շտաբում, որտեղ հանդես է գալիս Հայաստանի հավաքականի հարձակվող Գրանտ-Լեոն Ռանոսը։

Bild-ի տեղեկություններով՝ իսպանացի լեգենդի գործակալը Ռաուլի թեկնածությունը առաջարկել է «Բորուսիա Մյունխենգլադբախին», որը վերջերս պաշտոնանկ է արել Գերարդո Սեոանեին։ Ներկայումս թիմը ժամանակավորապես ղեկավարում է նախկին U23-ի մարզիչ Օյգեն Պոլանսկին, ով կարողացել է հավաքել առաջին միավորները Բունդեսլիգայում և պահել գլխավոր մարզչի պաշտոնակատարի կարգավիճակը։

Հետաքրքրությունը Ռաուլի նկատմամբ բացատրվում է նրա ցանկությամբ փորձել ուժերը գերմանական ֆուտբոլում։ 2010-2012 թթ. «Շալկեի» խաղացողը ազատ տիրապետում է գերմաներենին և լավ ծանոթ է տեղական ֆուտբոլային միջավայրին։ Բացի այդ, 48-ամյա մասնագետը բարձր ֆինանսական պահանջներ չի դնում և պատրաստ է քննարկել կարիերայի զարգացման տարբեր տարբերակներ։

Կողմերի միջև պաշտոնական բանակցություններ դեռ չեն եղել, իսկ մարզչի ներկայացուցիչները Sky-ի հետ զրույցում հերքել են կոնկրետ շփումների փաստը։ Այնուամենայնիվ, եթե Պոլանսկին անհաջողություններ ունենա, «Բորուսիան» կարող է դիտարկել իսպանացու հրավիրման հնարավորությունը։

Այսպիսով, այս ամռանը Մյունխենգլադբախ վերադարձած Գրանտ-Լեոն Ռանոսը կարող է ստանալ որպես наставник համաշխարհային ֆուտբոլի պատմության ամենավառ հարձակվողներից մեկին։