Ռուսաստան - ԱՄՆ. ըմբշամարտի սուպերմրցամարտը երկու գերտերությունների միջև կկայանա Բուդապեշտում

2025 թվականի հուլիսի 21-ին Բուդապեշտում տեղի կունենա ազատ ոճի ըմբշամարտի մեծ մենամարտ Ռուսաստանի և ԱՄՆ-ի հավաքականների միջև՝ Պրոֆեսիոնալ ըմբշամարտի Լիգայի (PWL 9) իններորդ մրցաշրջանի շրջանակում։

ԱՄՆ հավաքականի կազմում 70 կգ քաշային կարգում հանդես կգա հայ ըմբիշ Բրյուս Անդոնյանը։

Երկու ըմբշամարտային գերտերությունների դիմակայությունը, որն արդեն տասնամյակներ է, ինչ հուզում է մենամարտերի աշխարհը, նոր մակարդակի է հասնում։ Առաջին անգամ երկար ընդմիջումից հետո Ռուսաստանի և ԱՄՆ-ի հավաքականները կհանդիպեն լիարժեք մենամարտային ձևաչափով՝ չեզոք տարածքում։ Պատմական մենամարտի վայրը ընտրվել է Հունգարիայի մայրաքաղաք Բուդապեշտը՝ հարմար կետ երկու թիմերի համար։

Մենամարտը կանցնի «Ըմբշամարտ հանուն խաղաղության» խորհրդանշական կարգախոսի ներքո, որն արտացոլում է մարզական մրցակցության ոգին։ Չնայած քաղաքական տարաձայնություններին՝ Ռուսաստանն ու ԱՄՆ-ն պահպանում են փոխադարձ հարգանք ու հետաքրքրություն։ Այս անգամ գորգ կմտնեն երիտասարդ աստղերը՝ Լոս Անջելես 2028 օլիմպիական ցիկլի ապագա առաջնորդները։

Ռուսաստանի հավաքականին կղեկավարի աշխարհի չեմպիոն Աբասգաջի Մագոմեդովը, իսկ ամերիկացիների առաջատարն է աշխարհի երիտասարդական չեմպիոն Լյուկ Լիլեդալը։ Նախատեսվում է 10 գոտեմարտ՝ 57-ից մինչև 125 կգ քաշային կարգերում։ Մենամարտը խոստանում է դառնալ Սադուլաև – Սնայդեր հնարավոր դիմակայության հետաքրքիր նախերգանքը աշխարհի առաջիկա առաջնության ժամանակ։

Ամսաթիվ՝ 2025 թ․ հուլիսի 21
Վայր՝ Բուդապեշտ, Հունգարիա
Հեռարձակումը՝ WRESTLINGTV.RU և SPORTRUSSIA.TV, մեկնարկը՝ Մոսկվայի ժամանակով 20:00-ին

57 kg. Musa Mekhtikhanov (Russia) vs. Luke Lilledahl (USA)
61 kg. Muslim Mekhtikhanov (Russia) vs. Seth Gross (USA)
65 kg. Abasgadzhi Magomedov (Russia) vs. CJ Composto (USA)
70 kg. Saiyn Kazyryk (Russia) vs. Bryce Andonian (USA)
74 kg. Magoma Dibirgadzhiev (Russia) vs. Joseph Blaze (USA)
79 kg. Mokhmad Nasirkhaev (Russia) vs. DJ Hamiti (USA)
86 kg. Amanula Rasulov (Russia) vs. Marcus Coleman (USA)
92 kg. Amanula Gadzhimagomedov (Russia) vs. Mike Macchiavello (USA)
97 kg. Konstantin Pshenichnikov (Russia) vs. Jay Aiello (USA)
125 kg. Zelimkhan Khizriev (Russia) vs. Trent Hilger (USA)

Հիշեցնենք, որ հուլիսի 17-ից 20-ը Բուդապեշտում կանցկացվի ամենամյա վարկանիշային մրցաշարը՝ նվիրված հունգարացի լեգենդար մարզիկներ Իմրե Պոյլակիի և Յանոշ Վարգայի հիշատակին։ Այդ մրցաշարին կմասնակցեն Հայաստանի հինգ ըմբիշներ։