Ռոբի Քինը «Նոայի» նկատմամբ հաղթանակից հետո․ «Ուրիշ տարբերակ անգամ չէի դիտարկում»

Բուդապեշտի «Ֆերենցվարոշի» գլխավոր մարզիչ Ռոբի Քինը գոհ է մնացել Չեմպիոնների լիգայի երկրորդ որակավորման փուլի առաջին խաղում Երևանի «Նոայի» նկատմամբ տոնած արտագնա հաղթանակից (2:1): Արծարծելով Mandiner.hu-ի հետ զրույցում՝ իռլանդացի մասնագետը նշել է, որ նույնիսկ գոլ բաց թողնելուց հետո չէր կորցրել հավատը իր թիմի հաջողության նկատմամբ:

«Մինչև նրանց գոլը մենք ամբողջ առաջին խաղակեսը վերահսկում էինք, — ասաց Քինը։ — Վարգան պահեր ուներ, որոնք արդեն մինչ ընդմիջումը պետք է առավելություն ապահովեին մեզ։ Կարճ ժամանակով մի փոքր նյարդայնացանք, բայց արագ վերականգնվեցինք, և անկեղծ ասած՝ հաղթանակից բացի այլ տարբերակ չէի տեսնում»։

Մարզիչն անդրադարձել է նաև խաղի վերջում իր թիմի պաշտպանին ցույց տրված կարմիր քարտին․

«Վստահ չեմ, որ այդ որոշումը արդարացված էր՝ պետք է դրվագը կրկին նայենք։ Սակայն նույնիսկ խաղալով փոքրամասնությամբ՝ կազմակերպված էինք։ Փոխարինումներն իրենց արդարացրին, տղաները բնավորություն ցուցաբերեցին։ Սա իսկական թիմային հաղթանակ էր»։

Քինը վճռական է նաև հուլիսի 30-ին Բուդապեշտում կայանալիք պատասխան հանդիպման նախաշեմին․

«Ցանկանում ենք գերակա խաղ ցուցադրել և վստահ հաղթանակ տանել։ Շատ եմ սպասում այդ հանդիպմանը՝ մեր ստադիոնում մրցաշրջանից հետո առաջին խաղն է լինելու։ Վստահ եմ, ֆանտաստիկ մթնոլորտ է սպասվում»։

«Ֆերենցվարոշ» — «Նոա» զույգի հաղթողը հաջորդ փուլում կհանդիպի «Ռիեկա» (Խորվաթիա) — «Լուդոգորեց» (Բուլղարիա) զույգի հաղթողի հետ։

Սանդրո Պերկովիչ․ «Մեզ մոտ դեռ շանս կա՝ գնում ենք Բուդապեշտ անակնկալի համար»

«Նոան» նվազագույն հաշվով զիջեց «Ֆերենցվարոշին» Չեմպիոնների լիգայի երկրորդ փուլի առաջին խաղում (ՏԵՍԱՆՅՈՒԹ)