Մովսիսյանի և Ղազարյանի արդյունքները 2025թ. երիտասարդական Եվրոպայի առաջնությունում

Ալբանիայի Դուրրես քաղաքում շարունակվում է ծանրամարտի Եվրոպայի առաջնությունը՝ երիտասարդների և մինչև 23 տարեկանի մրցաշարի շրջանակում։ Հայաստանը մինչև 94 կգ քաշային կարգում (մինչև 20 տարեկանների) ներկայացրել են Գրիգոր Ղազարյանը և Վալերիկ Մովսիսյանը։

Գրիգոր Ղազարյանը պոկումում բարձրացրել է 150 կգ և զբաղեցրել է հինգերորդ տեղը։ Սակայն հրումում նա չի կարողացել հաղթահարել հայտարարված քաշը և մնացել է առանց երկամարտի արդյունքի։

Վալերիկ Մովսիսյանը հանդես է եկել ավելի հաջող․ պոկումում նա բարձրացրել է 155 կգ՝ գրավելով չորրորդ տեղը, իսկ հրումում՝ 185 կգ։ Երկամարտի ընդհանուր արդյունքով (340 կգ) հայ մարզիկը Եվրոպայում գրավել է հինգերորդ տեղը։

Եվրոպայի չեմպիոն է դարձել վրացի Գոգա Ջաջվանին՝ 363 կգ արդյունքով (166+197)։ Երկրորդ տեղը զբաղեցրել է բելառուս Իգնատի Պավլյուկովեցը՝ 360 կգ (165+195), իսկ բրոնզե մեդալը նվաճել է ալբանացի Էրտջան Կոֆշան՝ 356 կգ (162+194)։

Երիտասարդական առաջնությունը Դուրրեսում կավարտվի նոյեմբերի 4-ին։

Մինչև 94 կգ (U20) արդյունքները

1. Գոգա Ջաջվանի (Վրաստան) — 363 կգ (166+197)

2. Իգնատի Պավլյուկովեց (Բելառուս) — 360 կգ (165+195)

3. Էրտջան Կոֆշա (Ալբանիա) — 356 կգ (162+194)

4. Գերվասի Թաբագարի (Վրաստան) — 349 կգ (153+196)

5. Վալերիկ Մովսիսյան (Հայաստան) — 340 կգ (155+185)

6. Ռազմիկ Հարությունյան (Ռուսաստան) — 328 կգ (145+183)

Գրիգոր Ղազարյան — առանց արդյունքի (150+0)։