Հայաստանի հավաքականի խաղացողների պատրաստվածության վերլուծություն Պորտուգալիայի և Իռլանդիայի դեմ խաղերին

Հայաստանի ֆուտբոլի ազգային հավաքականը նոր գլխավոր մարզիչ Եղիշե Մելիքյանի ղեկավարությամբ պատրաստվում է ԱԱ-2026-ի ընտրական մրցաշարի գլխավոր խաղերին։ Սեպտեմբերի 6-ին մեր թիմը կմրցի Պորտուգալիայի, իսկ սեպտեմբերի 9-ին՝ Իռլանդիայի հավաքականի հետ։

Այս հանդիպումներից առաջ երկրպագուներին հատկապես հետաքրքրում է, թե ինչ մարզավիճակում են Հայաստանի հավաքականի ֆուտբոլիստները և ովքեր են պատրաստ օգնել թիմին այս աշնան ամենակարևոր խաղերում։ Ստորև ներկայացնում ենք մեր հավաքականի յուրաքանչյուր խաղացողի մարզավիճակի մանրամասն վերլուծությունը՝ դարպասապահներից մինչև կիսապաշտպաններ ու հարձակվողներ։

Դարպասապահներ

Արսեն Բեգլարյան («Ալաշկերտ», Հայաստան) — մասնակցել է առաջնության բոլոր 4 խաղերին, գոլ է բաց թողել միայն առաջին տուրում «Փյունիկի» դեմ՝ 2 գոլ։ Վերջին երեք խաղերում դարպասը պահել է անառիկ։
Վերջին խաղը՝ «Նոայի» դեմ, հաղթանակ 2:0, կատարել է 2 սեյվ։
17 խաղ Հայաստանի հավաքականում։

Հենրի Ավագյան («Փյունիկ», Հայաստան) — մասնակցել է իր թիմի բոլոր հանդիպումներին՝ Կոնֆերենս լիգայի 4 խաղին և առաջնության 4 խաղին։ Առաջնությունում բաց է թողել 3 գոլ, երկու խաղում պահպանել է դարպասը չոր։ Կոնֆերենս լիգայում՝ 5 գոլ բաց թողած։
Վերջին խաղը՝ «Ուրարտուի» դեմ, պարտություն 1:2, կատարել է 3 սեյվ։
2 խաղ Հայաստանի հավաքականում։

Օգնեն Չանչարևիչ («Նոա», Հայաստան) — անցկացրել է 8 խաղ եվրագավաթներում և 1 խաղ առաջնությունում։ Ընդամենը բաց է թողել 13 գոլ, 2 խաղում պահել է դարպասը անառիկ։
Վերջին խաղը՝ մնացել է պահեստային կազմում «Ալաշկերտի» դեմ (0:2)։
19 խաղ Հայաստանի հավաքականում։

Պաշտպաններ

Կամո Հովհաննիսյան («Արարատ-Արմենիա», Հայաստան) — 32-ամյա աջ պաշտպանն այս մրցաշրջանի մեկնարկում հիանալի մարզավիճակում է։ Մասնակցել է Կոնֆերենս լիգայի 4 խաղին և առաջնության 2 խաղի։ Խփել է գոլ «Ունիվերսիտատեա Կլուժի» դեմ խաղում և տվել է գոլային փոխանցում «Արարատի» դեմ (4:2)։
88 խաղ և 3 գոլ Հայաստանի հավաքականում։ Կամոն ամենամեծ փորձ ունեցող խաղացողն է ներկայիս կազմում։

Էդգար Գրիգորյան («Արարատ-Արմենիա», Հայաստան) — մասնակցել է նույն խաղերին, ինչ Կամոն, և կատարել է գոլային փոխանցում «Արարատի» դեմ։ Բոլոր 6 խաղերն անցկացրել է առանց փոխարինման։ 27-ամյա ձախ պաշտպանը ցուցադրում է լավ ֆիզիկական վիճակ։
7 խաղ Հայաստանի հավաքականում։

Գեթրգի Հարությունյան («Պուշկաշ Ակադեմիա», Հունգարիա) — առաջնության 6 խաղից մեկն է սկսել հիմնական կազմում, ևս 4-ում դուրս է եկել փոխարինման, վերջին խաղում մնացել է պահեստային։ Կոնֆերենս լիգայի երկու խաղում «Արիսի» դեմ խաղացել է հիմնականում։
Խաղաժամանակի նվազման պատճառը նոր լիմիտն է լեգեոնականների համար։
24 խաղ Հայաստանի հավաքականում։

Ստյոփա Մկրտչյան («Օսիյեկ», Խորվաթիա) — 22-ամյա պաշտպանն արդեն հիմնական կազմի խաղացող է։ Առաջին 4 տուրում խաղացել է ամբողջությամբ, սակայն վերջին խաղը բաց է թողել վնասվածքի պատճառով։ Նրա մասնակցությունը Պորտուգալիայի և Իռլանդիայի դեմ կասկածի տակ է։
20 խաղ Հայաստանի հավաքականում։

Սերգեյ Մուրադյան («Նոա», Հայաստան) — մասնակցել է բոլոր 8 եվրագավաթային խաղերին և 2 առաջնության խաղի՝ ընդհանուր 10 խաղ։ Միայն մեկում փոխարինվել է։ Այս պահին ամենաբեռնված ֆուտբոլիստն է հավաքականում։
9 խաղ Հայաստանի հավաքականում։

Էրիկ Պիլոյան («Ուրարտու», Հայաստան) — 24-ամյա բազմակողմանի պաշտպան, վերադարձել է հավաքական մեկուկես տարվա դադարից հետո։ Խաղացել է առաջնության բոլոր 5 խաղերում առանց փոխարինման։ Կոնֆերենս լիգայում մեկ խաղում եղել է մեկնարկային կազմում։
2 խաղ Հայաստանի հավաքականում։

Էրիկ Սիմոնյան («Ուրարտու», Հայաստան) — 22-ամյա կենտրոնական պաշտպան, հրավիրվել է վերջին պահին՝ Մկրտչյանի վնասվածքի պատճառով։ Այս մրցաշրջանում միայն 3 խաղ է անցկացրել։ Հավաքականում դեռ չի դեբյուտել։
0 խաղ Հայաստանի հավաքականում։

Ալբերտ Խաչումյան («Արարատ», Հայաստան) — նախկինում երիտասարդական հավաքականի առանցքային խաղացող։ 2021-ին խաղացել է 16 րոպե Շվեդիայի դեմ ընկերական խաղում։ Այս մրցաշրջանում արդեն անցկացրել է 5 խաղ։
1 խաղ Հայաստանի հավաքականում։

Նաիր Տիկնիզյան («Ցրվենա Զվեզդա», Սերբիա) — նախկին «Լոկոմոտիվի» ֆուտբոլիստը Սերբիայում անմիջապես դարձել է հիմնական կազմի խաղացող։ Մասնակցել է Չեմպիոնների լիգայի որակավորման բոլոր 6 խաղերին։ Առաջնությունում խաղացել է միայն 2 խաղ՝ ռոտացիայի պատճառով։ Հավաքական եկել է լիովին հանգստացած։
22 խաղ և 1 գոլ Հայաստանի հավաքականում։

Կիսապաշտպաններ

Ուգոչուկվու Իվու («Ռուբին», Ռուսաստան) — գլխավոր հենակետային կիսապաշտպանը այս մրցաշրջանը սկսել է փայլուն։ Խաղացել է բոլոր 7 հանդիպումներում առանց փոխարինման, կատարել է 2 գոլային փոխանցում։
17 խաղ Հայաստանի հավաքականում։

Նարեկ Աղասարյան («Ուրարտու», Հայաստան) — նորեկ։ 24-ամյա կիսապաշտպանն արդեն 3-րդ մրցաշրջանն է «Ուրարտուի» առանցքային խաղացողներից։ Խաղացել է բոլոր 4 խաղերում ամբողջական։ Վերջին խաղում «Փյունիկի» դեմ նրա հարվածից հետո գոլ խփվեց։
0 խաղ Հայաստանի հավաքականում։

Դանիել Աղբալյան («Փյունիկ», Հայաստան) — հունիսին դեբյուտեց Հայաստանի հավաքականում։ «Փյունիկում» դարձել է հիմնական խաղացող։ Մասնակցել է առաջնության 3 խաղի մեկնարկային կազմում։ Ունի մեկ գոլային փոխանցում։
1 խաղ Հայաստանի հավաքականում։

Հովհաննես Հարությունյան («Նոա», Հայաստան) — այս ամառ տեղափոխվել է «Նոա»։ Կոնֆերենս լիգայում մեկ խաղում փոխարինման դուրս գալով անմիջապես գոլ խփեց։ Առաջնությունում խաղացել է բոլոր 3 խաղերում։
16 խաղ Հայաստանի հավաքականում։

Արտակ Դաշյան («Նոա», Հայաստան) — 35-ամյա փորձառու կիսապաշտպանը վերադարձել է խաղադաշտ։ Առաջնությունում արդեն երկու խաղ է անցկացրել։
27 խաղ և 2 գոլ Հայաստանի հավաքականում։

Գոր Մանվելյան («Նոա», Հայաստան) — մասնակցել է 8 խաղին և խփել 1 գոլ։
—

Էդուարդ Սպերցյան («Կրասնոդար», Ռուսաստան) — Ռուսաստանի գործող չեմպիոնը փայլուն մարզավիճակում է՝ 5 գոլ և 8 փոխանցում մրցաշրջանի սկզբում։
34 խաղ և 9 գոլ Հայաստանի հավաքականում։

Կարեն Նալբանդյան («Ալաշկերտ», Հայաստան) — 23-ամյա կիսապաշտպանը ստացել է իր արժանի հրավերը։ Անցած մրցաշրջանում՝ 9 գոլ և 9 փոխանցում, այս մրցաշրջանում՝ արդեն 2 գոլ։
0 խաղ Հայաստանի հավաքականում։

Հարձակվողներ / Վինգերներ

Լուկաս Զելարայան («Բելգրանո», Արգենտինա) — թիմի ավագ և առաջնորդ։ Մասնակցել է բոլոր 6 խաղերին, խփել է 2 գոլ։ Վերջին խաղը անցկացրել է օգոստոսի 31-ին։
22 խաղ և 5 գոլ Հայաստանի հավաքականում։

Ժիրայր Շաղոյան («Արարատ-Արմենիա», Հայաստան) — արագ վինգերը մասնակցել է եվրագավաթային բոլոր խաղերին։ Ունի 1 փոխանցում։
17 խաղ և 1 գոլ Հայաստանի հավաքականում։

Արթուր Սերոբյան («Արարատ-Արմենիա», Հայաստան) — վերադարձել է «Արարատ-Արմենիա», սակայն դեռ չի խաղացել։ Վերջին խաղը անցկացրել է օգոստոսի 7-ին։
21 խաղ Հայաստանի հավաքականում։

Տիգրան Բարսեղյան («Սլովան», Սլովակիա) — թիմի առաջատարներից։ 10 խաղում՝ 2 գոլ և 3 փոխանցում։
60 խաղ և 9 գոլ Հայաստանի հավաքականում։

Վահան Բիչախչյան («Լեգիա», Լեհաստան) — արժանացել է հիմնական կազմի տեղին։ Կոնֆերենս լիգայում խփել է 2 գոլ և կատարել 1 փոխանցում։
42 խաղ և 5 գոլ Հայաստանի հավաքականում։

Էդգար Սևիկյան («Ֆերենցվարոշ», Հունգարիա) — վերադարձել է ակումբ, բայց քիչ խաղաժամանակ ունի։ Այս մրցաշրջանում միայն 2 խաղում է մասնակցել։
17 խաղ և 2 գոլ Հայաստանի հավաքականում։

Գրանտ-Լեոն Ռանոս («Բորուսիա Մյոնխենգլադբախ», Գերմանիա) — վերադարձել է «Բորուսիա»։ Այս մրցաշրջանում քիչ է խաղում, բայց պատրաստ է օգնության։
17 խաղ և 4 գոլ Հայաստանի հավաքականում։

Վերլուծություն

Ընդհանուր առմամբ, Հայաստանի հավաքականը լավ մարզավիճակում է մոտենում աշնան հանդիպումներին։ Առաջնագծում թիմը հարուստ է տարբերակներով՝ Բարսեղյան, Բիչախչյան, Զելարայան և Ռանոս։ Կիսապաշտպանությունում Սպերցյանը և Իվուն բարձր մակարդակի վրա են։ Պաշտպանությունում կան հարցեր՝ Մկրտչյանի վնասվածքը և Հարությունյանի քիչ խաղաժամանակը։

Բացակայում է Վարազդատ Հարոյանը, որը մեծ կորուստ է։ Իսկ հարձակման գծում հավաքականը չունի «զուտ հարձակվող», որը կարող է պայքարել գնդակի համար։

Այնուամենայնիվ, մեր թիմն ունի բոլոր հնարավորությունները մրցակցելու անգամ ուժեղ հավաքականների հետ։ Պորտուգալիայի դեմ պետք է հրաշք, բայց Իռլանդիայի դեմ՝ պայքարելու իրական շանսեր։