Հայաստանի ազգային հավաքականի խաղացանկը ՈւԵՖԱ Ազգերի լիգայի 2026/27 մրցաշրջանի C2 խմբում

Հայտնի է դարձել Հայաստանի ազգային հավաքականի խաղացանկը ՈւԵՖԱ Ազգերի լիգայի 2026/27 մրցաշրջանում։ Ազգային թիմը հանդես կգա C2 խմբում։

Սրանք կլինեն թիմի առաջին պաշտոնական հանդիպումները 2026 թվականին՝ Եղիշե Մելիքյանի գլխավորությամբ։

Հայաստանի ազգային հավաքականի խաղացանկը

2026թ. սեպտեմբերի 25 — Հայաստան — Լատվիա կամ Ջիբրալթար (տանը)
2026թ. սեպտեմբերի 28 — Հայաստան — Չեռնոգորիա (տանը)
2026թ. հոկտեմբերի 2 — Կիպրոս — Հայաստան (արտագնա)
2026թ. հոկտեմբերի 5 — Չեռնոգորիա — Հայաստան (արտագնա)
2026թ. նոյեմբերի 12 — Հայաստան — Կիպրոս (տանը)
2026թ. նոյեմբերի 15 — Լատվիա կամ Ջիբրալթար — Հայաստան (արտագնա)

Հիշեցնենք, որ Հայաստանի հավաքականը ընդգրկվել է C2 խմբում, որտեղ կմրցի Չեռնոգորիայի, Կիպրոսի, ինչպես նաև Լատվիա — Ջիբրալթար զույգի հաղթողի հետ (կորոշվի մարտին)։

Այսպիսով, սեպտեմբեր–հոկտեմբեր ամիսներին Հայաստանի հավաքականը 10 օրվա ընթացքում կանցկացնի 4 հանդիպում, ինչը լուրջ փորձություն կլինի թիմի համար։

Ազգերի լիգայի մեկնարկից առաջ ազգային հավաքականը ընկերական հանդիպումներ կանցկացնի ԱՄԷ-ի և Բելառուսի հավաքականների դեմ։ Հունիսյան հանդիպումների մյուս մրցակիցները դեռևս հայտնի չեն։