Ռանոսը կրկին առանց րոպեների. «Բորուսիան» 4:0 հաշվով ջախջախեց «Աուգսբուրգին»
- Հեղինակ: Vahe Hakobyan
- Sportaran
Մյունխենգլադբախի «Բորուսիան» Բունդեսլիգայի 16-րդ տուրի շրջանակում վստահ հաղթանակ տարավ «Աուգսբուրգի» նկատմամբ՝ 4:0 հաշվով։
Հանդիպման գլխավոր հերոսը Հարիս Տաբակովիչն էր, որը ձևակերպեց դուբլ։ Տանտերերի կազմում ևս մեկական գոլ հեղինակեցին Ջո Սկալլին և Քևին Դիկսը։ Թիմը խաղի առաջին րոպեներից վերահսկում էր խաղի ընթացքը և մրցակցին շանսեր չթողեց դրական արդյունքի հասնելու համար։
Հայաստանի ազգային հավաքականի հարձակվող Գրանտ-Լեոն Ռանոսը ընդգրկված էր «Բորուսիայի» հայտացուցակում, սակայն ամբողջ հանդիպումը անցկացրեց պահեստայինների նստարանին։ Այս իրավիճակը կարող է ազդակ լինել, որ 22-ամյա ֆուտբոլիստը պետք է մտածի ձմեռային տրանսֆերային պատուհանի ընթացքում նոր թիմ փնտրելու տարբերակի մասին։
Հատկանշական է, որ Ռանոսը խաղաժամանակ չի ստացել անգամ Թուրքիայի հավաքների ընթացքում կայացած ընկերական խաղում․ նա 24 ֆուտբոլիստներից միակն էր, որը մասնակցություն չունեցավ այդ հանդիպմանը։
Այս պահին հայկական հարձակվողի հնարավոր տրանսֆերի վերաբերյալ տեղեկություններ կամ լուրեր չկան, սակայն «Բորուսիան» պատրաստ է նրան բաց թողնել, եթե համապատասխան առաջարկ ստանա։
Քննարկեք նորությունները!
Անցնել մեկնաբանություններին ↓
Comments
0