Ռանոսն ու Մկրտչյանը մասնակցել են Բունդեսլիգա 2-ի 26-րդ տուրի հանդիպումներին

Հայաստանի ազգային հավաքականի ֆուտբոլիստներ Գրանտ-Լեոն Ռանոսը և Ստյոփա Մկրտչյանը մասնակցել են Բունդեսլիգա 2-ի 26-րդ տուրի հանդիպումներին։

«Այնտրախտ Բրաունշվեյգի» հարձակվող Գրանտ-Լեոն Ռանոսը «Ֆորտունայի» դեմ խաղում դաշտ է դուրս եկել երկրորդ խաղակեսում։ Նրա թիմը նվազագույն հաշվով՝ 1:0, հաղթանակ է տարել, իսկ հայ հարձակվողը խաղադաշտում անցկացրել է 45 րոպե։

Ռանոսի վիճակագրությունը խաղում.

• Խաղացած րոպեներ՝ 45
• Հարվածներ՝ 1 (0.16 xG)
• Գոլային փոխանցումներ՝ 1
• Ճշգրիտ փոխանցումներ՝ 8 (89%)
• Վաստակած խախտումներ՝ 2
• Գնդակի կորուստներ՝ 4
• Գնդակի հեռացումներ՝ 1
• Արգելափակված հարվածներ՝ 1
• Գնդակի վերադարձներ՝ 4
• SofaScore գնահատական՝ 6.8

«Նյուրնբերգի» պաշտպան Ստյոփա Մկրտչյանը նույնպես մասնակցել է տուրի խաղին։ Նա փոխարինման է դուրս եկել հանդիպման 79-րդ րոպեին «Հոլշտայն Կիլի» դեմ խաղում, որտեղ նրա թիմը հաղթել է 3:2 հաշվով։

26 տուրից հետո Բունդեսլիգա 2-ի մրցաշարային աղյուսակում «Այնտրախտ Բրաունշվեյգը» զբաղեցնում է 12-րդ տեղը, իսկ «Նյուրնբերգը» գտնվում է 9-րդ հորիզոնականում։

Հայաստանի հավաքականի առաջիկա խաղերից առաջ՝ ԱՄԷ-ի դեմ (մարտի 26) և Բելառուսի դեմ (մարտի 29), երկու ֆուտբոլիստներն էլ դեռ մեկական հանդիպում կանցկացնեն իրենց ակումբների կազմում։

Մարտի 20-ին «Այնտրախտ Բրաունշվեյգը» Ռանոսի հետ կմրցի «Հանովերի» դեմ, իսկ մարտի 21-ին «Նյուրնբերգը» և Մկրտչյանը կհանդիպեն «Կայզերսլաուտեռնի» հետ։