Րաֆիկ Հարությունյանը՝ արծաթե մեդալակիր ծանրամարտի Եվրոպայի առաջնությունում
2025 թ. ծանրամարտի Եվրոպայի առաջնությունում՝ մինչև 81 կգ քաշային կարգում, Րաֆիկ Հարությունյանը նվաճեց արծաթե մեդալ՝ 343 կգ (158 կգ պոկում, 185 կգ հրում) արդյունքով։ Հայ մարզիկը նաև փոքր արծաթ նվաճեց պոկումում և զբաղեցրեց չորրորդ հորիզոնականը հրումում։
Հայաստանի 24-ամյա ծանրորդի համար սա արդեն չորրորդ մեդալն է Եվրոպայի առաջնություններից։ 2022-ին նա դարձել էր չեմպիոն, իսկ 2023 և 2024 թթ.՝ բրոնզե մեդալակիր։ 2025-ին Հարությունյանը բարձրացավ պատվո հարթակի երկրորդ աստիճանին։
Մինչև 81 կգ քաշային կարգում չեմպիոն դարձավ իտալացի Օսկար Ռեյեսը՝ 349 կգ (159+190) արդյունքով։ Սա Ռեյեսի համար Եվրոպայի առաջնություններում երրորդ անընդմեջ հաղթանակն է։ Բրոնզե մեդալակիր դարձավ Ալբանիան ներկայացնող Քրիստի Ռամադանին՝ 337 կգ (151+186)։
Մինչև 81 կգ քաշային կարգ, տղամարդիկ՝
-
Օսկար Ռեյես (Իտալիա) — 349 կգ (159+190)
-
Րաֆիկ Հարությունյան (Հայաստան) — 343 կգ (158+185)
-
Քրիստի Ռամադանի (Ալբանիա) — 337 կգ (151+186)
Այսպիսով, Հայաստանի հավաքականը այս պահին ունի չորս մեծ մեդալ Եվրոպայի առաջնությունում՝ երեք արծաթե և մեկ բրոնզե։
Քննարկեք նորությունները!
Անցնել մեկնաբանություններին ↓
Comments
0