«Փյունիկը» ջախջախեց «Յունայթեդ Սփորթին» առաջին ընկերական խաղում
- Հեղինակ: Vahe Hakobyan
- Sportaran
Երևանի «Փյունիկը» խոշոր հաշվով սկսեց ուսումնամարզական հավաքը Արաբական Միացյալ Էմիրություններում։ Առաջին ընկերական խաղում Արտակ Օսեյանի գլխավորած թիմը վստահ հաղթանակ տարավ տեղական «Յունայթեդ Սփորթ» ակումբի նկատմամբ, որը հանդես է գալիս երկրորդ լիգայում՝ 5:0 հաշվով։
Խաղի գլխավոր հերոսը Լիտվայի ազգային հավաքականի կիսապաշտպան Մատաս Վարեյկան էր, որը ձևակերպեց հեթ-տրիկ։ Եվս մեկ գոլ իր ակտիվում գրանցեց Սարգիս Մետոյանը։ Հինգերորդ գոլի հեղինակը մնաց անհայտ։
Այս հանդիպումը դարձավ «Փյունիկի» առաջին ստուգողական խաղը ԱՄԷ-ում ընթացող հավաքի ընթացքում։ Մրցաշրջանի վերսկսմանը պատրաստվելու շրջանակում հայկական ակումբը կհանդիպի նաև մոսկովյան «Սպարտակին» և «Լոկոմոտիվին», «Ուրալին» և լատվիական «Ռիգային»։
«Փյունիկի» ուսումնամարզական հավաքը ԱՄԷ-ում կտևի մինչև փետրվարի 19-ը։
Քննարկեք նորությունները!
Անցնել մեկնաբանություններին ↓
Comments
0