«Փյունիկ-աղջիկները» իմացան իրենց մրցակցին կանանց Չեմպիոնների լիգայի որակավորման առաջին փուլում
- Հեղինակ: Vahe Hakobyan
- Sportaran
Հունիսի 24-ին կայացավ ՈՒԵՖԱ-ի կանանց Չեմպիոնների լիգայի որակավորման առաջին փուլի վիճակահանությունը։ Հայաստանի չեմպիոն «Փյունիկ-աղջիկները» իրենց ելույթը կսկսեն երրորդ խմբի կիսաեզրափակչից։
«Փյունիկի» մրցակիցը կլինի բուլղարական FC NSA Sofia թիմը։ Այս զույգի հաղթողը եզրափակչում կխաղա ŽFK Ljuboten (Հյուսիսային Մակեդոնիա) – NSÍ Runavík (Ֆարերյան կղզիներ) դիմակայության հաղթողի հետ։ Մինի-մրցաշարերի կիսաեզրափակիչները կկայանան հուլիսի 30-ին, իսկ եզրափակիչները և երրորդ տեղի խաղերը՝ օգոստոսի 3-ին։ Յուրաքանչյուր խմբի հաղթողը կշարունակի պայքարը երկրորդ որակավորման փուլում՝ «չեմպիոնների ուղով»։
Եթե «Փյունիկը» հաղթի եզրափակիչում, ապա երկրորդ որակավորման փուլում կհանդիպի Շվեդիայի չեմպիոն FC Rosengård-ի հետ։
Քննարկեք նորությունները!
Անցնել մեկնաբանություններին ↓
Comments
0