Հինգ հայ ըմբիշներ կմասնակցեն հունահռոմեական ոճի ըմբշամարտի Եվրոպայի 2025 թվականի առաջնությանը

Այսօր՝ ապրիլի 11-ին, Բրատիսլավայում կմեկնարկի հունահռոմեական ոճի ըմբշամարտի Եվրոպայի 2025 թվականի առաջնությունը։ Մրցաշարի առաջին օրը Հայաստանի հավաքականի կազմում հանդես կգան հինգ ըմբիշ՝ 55, 63, 77, 87 և 130 կգ քաշային կարգերում։ Այսօր գորգ կմտնի Եվրոպայի եռակի և 2021 թվականի աշխարհի չեմպիոն Մալխաս Ամոյանը։

Մրցումները կմեկնարկեն մոսկովյան ժամանակով 11:30-ին և երևանյան ժամանակով՝ 12:30-ին։ Հայաստանի հավաքականի կազմում հանդես կգան՝ Մանվել Խաչատրյան (55 կգ), Կարեն Ասլանյան (63 կգ), Մալխաս Ամոյան (77 կգ), Կարեն Խաչատրյան (87 կգ) և Դավիթ Օվասափյան (130 կգ)։

Հայ ըմբիշների առաջին գոտեմարտերը՝

55 կգ, քառորդ եզրափակիչ՝
Մանվել Խաչատրյան (Հայաստան) - Էմրե Մութլու (Թուրքիա)։

63 կգ, քառորդ եզրափակիչ՝
Կարեն Ասլանյան (Հայաստան) - Մայրբեկ Սալիմով (Լեհաստան) / Դինիսլամ Բամմատով (Ռուսաստան)։

77 կգ, 1/8 եզրափակիչ՝
Մալխաս Ամոյան (Հայաստան) - Մատեուշ Բեռնատեկ (Լեհաստան)։

87 կգ, 1/8 եզրափակիչ՝
Կարեն Խաչատրյան (Հայաստան) - Սեմյոն Նովիկով (Բուլղարիա)։

130 կգ, 1/8 եզրափակիչ՝
Դավիթ Օվասափյան (Հայաստան) - Մուհամմեթ Բաքըր (Թուրքիա)։

Նշենք, որ Արթուր Ալեքսանյանը և մնացած ըմբիշները գորգ դուրս կգան վաղը՝ ապրիլի 12-ին։