ՄՄԱ պատանիների աշխարհի առաջնության միջանկյալ արդյունքները. Հայաստանի ակտիվում արդեն 8 մեդալ

ԱՄԷ մայրաքաղաք Աբու Դաբիում շարունակվում է IMMAF-ի կողմից կազմակերպված ՄՄԱ պատանիների աշխարհի առաջնությունը՝ տարբեր տարիքային խմբերի մասնակցությամբ։ Հուլիսի 21-ին և 22-ին խաղարկվել են Youth D (մինչև 11 տ.) և Youth C (մինչև 13 տ.) տարիքային խմբերի բոլոր մեդալները։

Հայաստանի ներկայացուցիչներն արդեն նվաճել են 8 մեդալ՝ 1 ոսկե, 3 արծաթե և 4 բրոնզե։ Աշխարհի չեմպիոն է դարձել Մոնիկա Ասրյանը, ով մինչ այս Եվրոպայի առաջնությունում զբաղեցրել էր երրորդ տեղը, իսկ այժմ բարելավել է արդյունքը՝ դառնալով աշխարհի չեմպիոն։

Ահա արդյունքները այս պահին․

Ոսկի՝

• Մոնիկա Ասրյան — 34 կգ (Աղջիկներ U13)

Արծաթ՝

• Միշա Սիմոնյան — 37 կգ (Տղաներ U13)

• Մարկ Ղամբարյան — 34 կգ (Տղաներ U11)

• Տիգրան Քոչարյան — 27 կգ (Տղաներ U11)

Բրոնզ՝

• Ռուբեն Սարգսյան — 31 կգ (Տղաներ U13)

• Դավիթ Գասպարյան — 52 կգ (Տղաներ U13)

• Արտակ Մելքոնյան — 34 կգ (Տղաներ U11)

• Սոֆի Խաչատրյան — 62 կգ (Աղջիկներ U13)

Youth D (U11) և Youth C (U13) տարիքային խմբերի մեդալային հաշվարկից հետո մրցաշարը շարունակվում է մինչև 15 և մինչև 17 տարեկան պատանիների համար։