«Ուրարտու»-«Նեման» խաղի նախնական ակնարկ. Եվրագավաթի դիմակայություն

Հուլիսի 10-ին երկու հայկական ակումբներ՝ «Ուրարտու»-ն և «Փյունիկ»-ը, կմեկնարկեն ՈՒԵՖԱ Կոնֆերենցիաների լիգայի 2025/26 խաղարկությունում։ «Ուրարտու»-ն կմրցի Բելառուսի «Նեմանի» հետ, իսկ «Փյունիկ»-ը՝ Սան Մարինոյի «Տրե Ֆիորի»-ի։ Իհարկե, ամենամեծ հետաքրքրությունը առաջացնում է հայ-բելառուսական դիմակայությունը, ուստի մանրամասն կներկայացնենք «Ուրարտու» – «Նեման» հանդիպումը։

Նմանատիպ դիմակայություն եղել էր նաև նախորդ մրցաշրջանում, երբ «Փյունիկ»-ը Չեմպիոնների լիգայի առաջին փուլում երկխաղյա դիմակայությունում 0:1 հաշվով պարտվեց մինսկյան «Դինամոյին»։ Սակայն այս տարի Հայաստանը կարող է ռևանշի հասնել։

Խաղի մասին տեղեկություն
Սկիզբը՝ 20։30 (Երևանի ժամանակով)
Վայր՝ «Ուրարտու» մարզադաշտ, Երևան (տեղատարողությունը՝ 4860 հանդիսական)
Գլխավոր մրցավար՝ Մատեո Էրչեգ (Խորվաթիա)
VAR՝ չի կիրառվի
Ուղիղ հեռարձակում՝ ՀՀ Հ1 հեռուստաալիքով և մեր Telegram ալիքում

«Ուրարտու» – «Նեման». Բուքմեյքերների կարծիքով
Բուքմեյքերների կարծիքով այս խաղում ֆավորիտ չկա․ երկու թիմերի հնարավորությունները գրեթե հավասար են։ Նույնիսկ սեփական դաշտի գործոնը զգալի ազդեցություն չի ունենում։

Թիմերի դրությունը խաղից առաջ

ՆԵՄԱՆ

Բելառուսում առաջնությունը ընթացքի մեջ է, և «Նեման»-ը մոտենում է խաղին լավ մարզավիճակով։ 2024-ին թիմը զբաղեցրել է 2-րդ տեղը, իսկ այժմ՝ 15 տուրից հետո՝ 5-րդ։ Մայիսի 24-ին «Նեման»-ը նվաճեց Բելառուսի գավաթը՝ եզրափակչում 3:0 հաշվով հաղթելով «Տորպեդո-ԲԵԼԱԶ»-ին։

Թիմն այժմ անցկացնում է հիանալի փուլ․ վերջին հինգ խաղում չորս հաղթանակ և մեկ ոչ-ոքի։ Երևան մեկնելուց առաջ թիմը 2:0 հաշվով հաղթեց «Իսլոչ»-ին։ Այդ 5 խաղում ընդամենը 2 գոլ են բաց թողել։

«Նեման»-ի պաշտպանությունը լիգայի ամենահուսալիներից է՝ 15 խաղում ընդամենը 10 գոլ բաց թողած։

Թիմը շատ խաղացած է։ Գլխավոր մարզիչ Իգոր Կովալևիչը ղեկավարում է ակումբը 2016-ից, իսկ այս տրանսֆերային պատուհանում կազմը չի փոխվել։

Հիմնականում կազմը բելառուս խաղացողներից է։ Միայն 5 լեգեոներ՝ երկու ռուս, երկու աֆրիկացի և մեկ ուկրաինացի։

Հավաքականների խաղացողներ.

• Պավել Սավիցկի (Բելառուս) — 29 խաղ, 7 գոլ

• Եգոր Պարխոմենկո (Բելառուս) — 5 խաղ

• Իսաակ Նգոմա (ԿՀԱ) — 10 խաղ, 3 գոլ

• Ամանտուր Շամուրզաև (Ղրղզստան) — 6 խաղ

Բելառուսի հավաքական են երբեմն հրավիրվել նաև Օլեգ Եվդոկիմովը, Ալեքսեյ Լեգչիլինը և Իվան Սադովնիչին։

Թիմի գլխավոր աստղը 30-ամյա եզրային կիսապաշտպան Պավել Սավիցկին է, ով նախորդ մրցաշրջանում խփել է 14 գոլ և կատարել 5 գոլային փոխանցում։ Այս մրցաշրջանում՝ 2 գոլ և 2 ասիստ՝ 12 խաղում։

Լավ մարզավիճակում է նաև Անտոն Սուչկովը՝ 5 գոլ և 4 ասիստ։

Հարձակման գծում հստակ առաջատար չկա։ Հնարավոր է՝ մեկնարկային կազմում լինի 36-ամյա Եգոր Զուբովիչը (2 գոլ), ինչպես նաև 22-ամյա Լեոնարդ Գվետը՝ Կամերունից (2 գոլ), եթե ապաքինվի։

Կենտրոնում խաղում են փորձառու Միխայիլ Կոզլովը և Անդրեյ Յակիմովը (երկուսն էլ՝ 35), ինչպես նաև երիտասարդ տաղանդ՝ Արթուր Նազարենկոն։

Պաշտպանությունում առանձնանում է Եգոր Պարխոմենկոն (22 տ․), որի շուկայական արժեքը 600 հազար եվրո է։ Նա անցկացում է ուժեղ մրցաշրջան։ Կազմում են նաև ավագ Իվան Սադովնիչին (38 տ․) և Շամուրզաևը՝ Ղրղզստանի հավաքականից։

«Նեման»-ի եվրոպական փորձը
«Նեման»-ը վեցերորդ անգամ է մասնակցում եվրագավաթների։ Հայկական ակումբների հետ նախկինում չի հանդիպել։ Ի տարբերություն «Ուրարտու»-ի, «Նեման»-ը հասել է մինչև երրորդ փուլ։ 2023/24 մրցաշրջանում հաղթել է «Վադուց»-ին (Լիխտենշտեյն) և «Բալցան»-ին (Մալթա), սակայն պարտվել «Ցելյեին» (Սլովենիա) խոշոր հաշվով։

Նախորդ մրցաշրջանում սկսեց երկրորդ փուլից և պարտվեց «ՉՖՌ Կլուժ»-ին (Ռումինիա)՝ 0:5։

ՈՒՐԱՐՏՈՒ

Այս ամառ «Ուրարտու»-ում լուրջ փոփոխություններ չեն եղել։ Թիմի գլխավոր մարզչի պաշտոնում վերադարձել է Ռոբերտ Արզումանյանը։ Հիմնական կազմը պահպանվել է։ Ռուս լեգեոներները հեռացել են, սակայն փոխարինողներ արդեն կան։ Ավելին, նորեկները ծանոթ են հայկական ֆուտբոլին։ Պաշտպան Եվգենի Ծիմբալյուկն արդեն խաղացել է թիմում։

Խաղակցվածության խնդիր չպետք է լինի։ Բայց ֆիզիկական պատրաստվածությամբ առավելությունը «Նեման»-ի կողմն է՝ նրանց առաջնությունը ընթացքի մեջ է, իսկ «Ուրարտու»-ի համար սա մրցաշրջանի առաջին պաշտոնական հանդիպումն է։

Հարձակման գիծը խոստումնալից է․

• Բրունո Միշել — գարնան լավագույններից մեկը

• Արտյոմ Պոլյարուս — առաջնության լավագույն ասիստենտը

• Կարեն Մելքոնյան — նախորդ մրցաշրջանի վերջում փայլեց

Պաշտպանությունում կան փոփոխություններ, սակայն Անտոն Բրատկովը և Ե․ Ծիմբալյուկը փորձառու խաղացողներ են և կարող են ապահովել կայունություն։

Եզրակացություն
«Նեման»-ը կայացած, խաղակցված և փորձառու թիմ է, հաղթել նրանց հեշտ չէ։ Սակայն հարձակման գծում նրանց պակասում է ստեղծարարություն։ Եթե «Ուրարտու»-ն ճիշտ մոտեցում ցուցաբերի, ունի լավ շանսեր հաջորդ փուլ դուրս գալու համար։

Ավելին՝ պատասխան խաղը չի անցկացվելու Բելառուսում, այլ՝ չեզոք դաշտում Հունգարիայում։ Սա հատկապես կարեւորում է երեւանյան հանդիպումը, և «Ուրարտու»-ն պետք է առավելագույնս օգտագործի տնային խաղի հնարավորությունը։

Հիշեցնենք, որ «Ուրարտու» – «Նեման» զույգի հաղթողը կարող է անմիջապես անցնել երրորդ փուլ, եթե ՈՒԵՖԱ-ն չփոխի սլովակական «Դունայսկա Ստրեդա»-ի որակազրկման որոշումը։

Ակումբների պաշտոնական հայտագրերը դիտել կարող եք ԱՅՍՏԵՂ։