Փիթ Դոմինգեսը կգլխավորի Մ20 Հայաստանի բասկետբոլի հավաքականը Եվրոպայի առաջնությունում

Հայաստանի Մ20 բասկետբոլի հավաքականը նոր գլխավոր մարզիչ ունի։ Հայաստանի բասկետբոլի ֆեդերացիայի հաղորդմամբ՝ հավաքականը Եվրոպայի Մ20 առաջնության Բ դիվիզիոնում կներկայացնի Փիթ Դոմինգեսի գլխավորած մարզչական շտաբը։

Դոմինգեսը 2022 թվականից ընդգրկված է Հայաստանի ազգային հավաքականի մարզչական կազմում, իսկ այժմ նա աշխատում է NBA-ի «Միլուոկի Բաքս» ակումբում։ Նրա օգնականներ կաշխատեն Կոնստանտինոս Պապավասիլեուն՝ ազգային թիմի մարզչական շտաբի անդամ, և Սևակ Քեթենջյանը, որը 2022-2023 թթ․ մարզել է Մ16 հավաքականը, իսկ 2024-ին գլխավորել է Մ18 թիմը։

Եվրոպայի Մ20 առաջնության Բ դիվիզիոնի խաղերը կկայանան 2025 թվականի հուլիսի 11-ից 20-ը Երևանում՝ Կարեն Դեմիրճյանի անվան մարզահամերգային համալիրում։ Հայաստանը հանդես կգա A ենթախմբում, որտեղ մրցելու է Լատվիայի, Մոնտենեգրոյի, Իռլանդիայի և Էստոնիայի հավաքականների դեմ։

Հայաստանի խաղացանկը.

• Հայաստան vs Լատվիա — հուլիսի 11, 20:00

• Մոնտենեգրո vs Հայաստան — հուլիսի 12, 20:00

• Հայաստան vs Իռլանդիա — հուլիսի 13, 20:00

• Էստոնիա vs Հայաստան — հուլիսի 15, 20:00