Պյոտր Գումեննիկը Օլիմպիական խաղեր 2026-ում հանդես կգա հայ կոմպոզիտորի երաժշտությամբ
- Հեղինակ: Vahe Hakobyan
- Sportaran
Ռուսաստանցի գեղասահորդ Պյոտր Գումեննիկը Միլանում կայանալիք 2026 թվականի Օլիմպիական խաղերում կարճ ծրագրով հանդես կգա հայ կոմպոզիտոր Էդգար Հակոբյանի երաժշտության ներքո։
Սկզբում մարզիկը ծրագրում էր հանդես գալ այլ երաժշտական ստեղծագործությամբ, սակայն դրա իրավունքների սեփականատերը արգելել է օգտագործումը։ Ստեղծված իրավիճակում Էդգար Հակոբյանը համաձայնել է տրամադրել իր երաժշտությունը Գումեննիկի կարճ ծրագրի համար․ այն «Վալս 1805» ստեղծագործությունն է՝ «Օնեգին» ֆիլմի սաունդթրեքը (ռեժիսոր՝ Սարիկ Անդրեասյան)։
Նշենք նաև, որ ռուս գեղասահորդի պատրաստման աշխատանքներին մասնակցում է հայտնի հայ մարզիչ Ռաֆայել Հարությունյանը, ով օգնում է Պյոտր Գումեննիկին Օլիմպիական ծրագրի մշակման գործում։
Հիշեցնենք, որ հայ մարզական զույգ Կարինա Հակոբովա / Նիկիտա Ռախմանինը նույնպես Օլիմպիական խաղեր 2026-ում հանդես կգա հայկական երաժշտությամբ՝ Արա Գևորգյանի «Արցախ» ստեղծագործությամբ։
Պյոտր Գումեննիկի կարճ ծրագիրը Միլանում կայանալիք Օլիմպիական խաղերում նախատեսված է փետրվարի 10-ին։
Քննարկեք նորությունները!
Անցնել մեկնաբանություններին ↓
Comments
0