DWCS 2025-ի առաջին շաբաթ․ երկու մարտիկ ստացան UFC պայմանագիր

Օգոստոսի 13-ին Լաս Վեգասի Apex մարզադահլիճում կայացավ Դանա Ուայթի Պրետենդեր Սերիայի 2025 թվականի առաջին թողարկումը։ Մրցաշարի շրջանակում կայացավ հինգ մենամարտ, և միայն տասը մասնակիցներից երկուսն արժանացան UFC պայմանագրի։

Լիգայի նախագահ Դանա Ուայթը ներկա էր շոուին և անձամբ ընտրեց պայմանագիր ստացած մարտիկներին։ Նրա խոսքով՝ առաջին թողարկումը «շատ ձանձրալի» էր, և որոշում կայացնելը հեշտ չէր։ Ի վերջո, աշխարհի ամենահզոր լիգայում հանդես գալու հնարավորություն ստացան Թայ Միլլերը (6-0) և Բայսանգուր Սուսուրկաևը (10-0)։

Հատկապես տպավորիչ հանդես եկավ 24-ամյա չեչեն մարտիկ Բայսանգուր Սուսուրկաևը։ DWCS-ում հաղթանակից ընդամենը երեք օր անց նա դեբյուտ արեց UFC-ում․ UFC 319 մրցաշարում Սուսուրկաևը հաղթեց Էրիկ Նոլանին։

Contender Series 2025. Առաջին շաբաթվա արդյունքները

• Իլիան Բուաֆիա (7-0) — հաղթեց Նեմիաս Սանտանային (7-3-1) միաձայն որոշմամբ | Պայմանագիր չստացավ։ Դանա Ուայթը մարտը անվանեց ոչ-ոքի։

• Թայ Միլլեր (6-0) — հաղթեց Ջիմմի Դրագոյին (7-3) միաձայն որոշմամբ | Միլլերը ստորագրեց UFC պայմանագիր։

• Բայսանգուր Սուսուրկաև (10-0) — հաղթեց Մուրթազա Տալհային (7-2) նոկաուտով առաջին ռաունդում | Սուսուրկաևը ստորագրեց UFC պայմանագիր։ Տալհայի համար սա արդեն երկրորդ անհաջող փորձն էր DWCS-ում։

• Ռեդլի Դա Սիլվա (8-1) — հաղթեց Ջորջ Մանգոսին (7-1) | Պայմանագիր չստացավ։

• Յուրի Պանֆերով (9-1) — հաղթեց Քրիստոֆեր Էվերտին (7-1) | Պայմանագիր չստացավ։ Սա Պանֆերովի երկրորդ անհաջող փորձն էր։

Նշենք, որ մարտիկները դեռ կարող են UFC պայմանագիր ստանալ DWCS 2025-ի բոլոր տասը թողարկումների ավարտից հետո։

Հաջորդ թողարկումը կկայանա օգոստոսի 19-ին Լաս Վեգասում։