Օվեչկինը կրկնեց Գրեցկիի ռեկորդը՝ 894 գոլ NHL-ում։

Ալեքսանդր Օվեչկինը հավասարվեց համաշխարհային հոկեյի լեգենդ Ուեյն Գրեցկիին՝ NHL-ի պատմության գոլերի քանակով՝ 894։ Դա տեղի ունեցավ «Վաշինգտոն Քեփիթալս»-ի և «Չիկագո Բլեքհոքս»-ի հանդիպման ժամանակ, որտեղ մայրաքաղաքային ակումբի 39-ամյա ավագը դուբլով աչքի ընկավ և մոտեցավ բացարձակ ռեկորդին։

Խաղը ավարտվեց «Վաշինգտոն»-ի հաղթանակով՝ 5։3 հաշվով։ Օվեչկինը խփեց իր թիմի առաջին և չորրորդ գոլերը՝ վճռական դեր ունենալով հաղթանակում։ Այժմ Օվիի հաջորդ գոլը պատմական կլինի՝ այն նրան կտանի լավագույն ռմբարկուների ցանկի առաջին հորիզոնական։

Այս հաղթանակից հետո «Քեփիթալս»-ը շարունակում է գլխավորել Արևելյան կոնֆերանսը, իսկ ողջ հոկեյային աշխարհը շունչը պահած սպասում է նոր ռեկորդի։

Մինչև կանոնավոր մրցաշրջանի ավարտը մնացել է ևս 6 խաղ, որից հետո կսկսվի փլեյ-օֆֆ փուլը, այնպես որ Օվին դեռ շատ հնարավորություններ կունենա գերազանցելու Գրեցկիի ռեկորդը։