Հայաստանի հավաքականի նախնական կազմը՝ ըմբշամարտի Մ17 Աշխարհի առաջնության համար

UWW-ի պաշտոնական կայքում հրապարակվել է ըմբշամարտի Մ17 տարիքային խմբի աշխարհի առաջնությանը Հայաստանի հավաքականի նախնական կազմը։ Մրցաշարը կկայանա հուլիսի 28-ից օգոստոսի 3-ը՝ Հունաստանի մայրաքաղաք Աթենքում։

Վերջերս Հյուսիսային Մակեդոնիայում տեղի ունեցավ Եվրոպայի առաջնությունը նույն տարիքային խմբում, որտեղ Հայաստանը գրավեց 1-ին տեղը հունահռոմեական ըմբշամարտում և 4-րդ տեղը՝ ազատ ոճում։

Հունահռոմեական ոճի կազմը մնացել է անփոփոխ, իսկ ազատ ոճում որոշ փոփոխություններ են եղել։ Մասնավորապես՝ 60 կգ քաշային կարգում հայտավորվել է Համլետ Անտոնյանը, ով այս տարի հանդես է եկել Մ15 ԵԱ-ում։ 80 և 92 կգ կարգերում ըմբիշները փոխանակվել են տեղերով՝ սակայն սա դեռ կարող է փոխվել մինչ մրցաշարի մեկնարկը։

Հայաստանի Մ17 հավաքականի կազմը՝ ըմբշամարտ

Ազատ ոճ

• 45 կգ․ Արեն Փիրուզյան (ԵԱ-Մ15 և Մ17՝ երկուսում էլ բրոնզե մեդալ)

• 48 կգ․ Արտակ Աղաբեկյան (Մ17 ԵԱ՝ արծաթ)

• 51 կգ․ Վահան Ազարյան (Մ17 ԵԱ՝ 5-րդ տեղ)

• 55 կգ․ Արմեն Պապիկյան (Մ17 ԵԱ՝ բրոնզ)

• 60 կգ․ Համլետ Անտոնյան (Մ15 ԵԱ՝ բրոնզ, Մ17 ԵԱ՝ այս քաշում հանդես էր եկել Ռազմիկ Ոսկանյանը՝ 3-րդ տեղ)

• 65 կգ․ Դավիթ Դավթյան (Մ17 ԵԱ՝ 7-րդ տեղ)

• 71 կգ․ Ավետիք Թութխալյան (Մ17 ԵԱ՝ 5-րդ տեղ)

• 80 կգ․ Նարեկ Մարտիրոսյան (Մ17 ԵԱ՝ 15-րդ տեղ 92 կգ քաշում)

• 92 կգ․ Ավետ Ենգոյան (Մ17 ԵԱ՝ 9-րդ տեղ 80 կգ քաշում)

• 110 կգ․ Լաերտ Մովսեսյան (Մ17 ԵԱ՝ 5-րդ տեղ)

Այլ երկրների կազմում՝ Սամվել Աբրահամյան (Իսպանիա, 51 կգ)

Հունահռոմեական ոճ

• 45 կգ․ Արարատ Ավետիսյան (Մ17 ԵԱ՝ բրոնզ)

• 48 կգ․ Մարտին Մանջիկյան (Մ17 ԵԱ՝ արծաթ)

• 51 կգ․ Մարատ Աճեմյան (Մ17 ԵԱ չեմպիոն, գործող աշխարհի չեմպիոն)

• 55 կգ․ Վազգեն Մնացականյան (Մ17 ԵԱ՝ 5-րդ տեղ)

• 60 կգ․ Հայկ Մանուկյան (Մ17 ԵԱ չեմպիոն)

• 65 կգ․ Ջանես Նազարյան (Մ17 ԵԱ՝ արծաթ)

• 71 կգ․ Ռոման Ուսոյան (Մ17 ԵԱ՝ 7-րդ տեղ)

• 80 կգ․ Վահե Հովեյան (Մ17 ԵԱ՝ 10-րդ տեղ)

• 92 կգ․ Պետրոս Բաղրամյան (Մ17 ԵԱ՝ 11-րդ տեղ)

• 110 կգ․ Գոռ Մխիթարյան (Մ17 ԵԱ՝ 5-րդ տեղ)