Բացահայտվել է Մարցին Բանդելի մրցակիցը Երեւանում կայանալիք մրցաշարում

Լեհ վետերան, MMA-ի նախկին մարտիկ և UFC-ի նախկին սան Մարցին Բանդելը (22-9-1) գռեպլինգի մենամարտ կունենա հայ մարզիկ Նարեկ Գաբրիելյանի դեմ՝ Mix Fight 58 մրցաշարի ընթացքում, որը կկայանա հուլիսի 13-ին Երեւանի «Դինամո» մարզահամալիրում։

Բանդելի մրցակցի անունը պաշտոնապես հաստատվել է մրցաշարի կազմակերպիչների կողմից։ Այսպիսով, Գաբրիելյանի դեմ մենամարտը կդառնա շոուի հայտարարված երկրորդ հանդիպումը։

Ավելի վաղ մրցաշարին մասնակցությունը հաստատել էր մարտական սամբոյի գործող Եվրոպայի չեմպիոն Արման Ավանեսյանը (1-0), ով մենամարտելու է բրազիլացի Կառլոս Բրիտոյի (6-8) դեմ։

Բանդելը հանդես է եկել UFC-ում 2014 թվականին, այնուհետև հաջող կարիերա է ունեցել Brave FC-ում, որտեղ 2022 թվականին դարձել է չեմպիոն։ Այժմ լեհ մարտիկը վերադառնում է օկտագոն՝ իր համար նոր ֆորմատով՝ գռեպլինգի կանոններով։

Կազմակերպիչները խոստանում են առաջիկայում ներկայացնել նաև մրցաշարի մյուս մասնակիցներին։ Ինչպես ավելի վաղ հայտարարել էր Mix Fight Events-ի նախագահ Վարդան Մնացականյանը, Mix Fight 58-ը լինելու է ՄՄԱ-ի պատմության մեջ Հայաստանի ամենամասշտաբային և ամենահնչեղ մրցաշարը։

Հիշեցնենք, որ նախորդ Mix Fight մրցաշարը կայացել էր մարտի 30-ին, ևս մեկ անգամ՝ Երեւանում։