ՊԱՇՏՈՆԱԿԱՆ․ Զիդան Բանջակին դարձավ «Արարատ-Արմենիա»–ի խաղացող

«Արարատ-Արմենիա»-ն հայտարարել է Զիդան Բանջակիի հետ պայմանագիր կնքելու մասին։ 27-ամյա հարձակվողական կիսապաշտպան, Գվինեա-Բիսաուի ազգային հավաքականի ֆուտբոլիստը կշարունակի կարիերան Հայաստանի առաջնությունում։

Ֆուտբոլիստի վերջին ակումբը հունական «Պանսերրայկոս»-ն էր։ Ավելի վաղ Բանջակին հանդես է եկել Պորտուգալիայի երկրորդ լիգայում, իսկ 2019/20 մրցաշրջանում խաղացել է երկրի բարձրագույն դիվիզիոնում։ Նա սերում է լիսաբոնյան գրանդ ակումբների՝ «Սպորտինգի» և «Բենֆիկայի» ակադեմիաներից։

Միջազգային մակարդակում կիսապաշտպանը Գվինեա-Բիսաուի հավաքականի կազմում անցկացրել է 9 հանդիպում և դարձել է 2 գոլի հեղինակ։ Նրա տրանսֆերային արժեքը գնահատվում է 600 հազար եվրո։

Հետաքրքիր փաստ․ Զիդանի հարազատ եղբայրը՝ Դանիել Բանջակին, Պորտուգալիայի հավաքականի կազմում դարձել է մինչև 17 տարեկանների աշխարհի չեմպիոն։

Նշենք, որ «Արարատ-Արմենիա»-ն վստահ է անցկացնում ընթացիկ մրցաշրջանը և 15 տուրից հետո գլխավորում է Հայաստանի առաջնության մրցաշարային աղյուսակը։ Փորձառու հարձակվողական կիսապաշտպանի հրավիրումը միտված է ուժեղացնել թիմը չեմպիոնության համար պայքարում։