Պաշտոնապես․ Տենթոն Յեննեն շարունակելու է կարիերան ՌՊԼ-ում

«Արարատ-Արմենիա» ֆուտբոլային ակումբի հարձակվող Տենթոն Յեննեն պայմանագիր է ստորագրել Կալինինգրադի «Բալթիկա» ակումբի հետ։ Պայմանագիրը նախատեսված է մինչև 2028 թվականի հունիսի 5-ը։

24-ամյա նիգերիացի ֆուտբոլիստը լքում է հայկական ակումբը ազատ գործակալի կարգավիճակով՝ նրա պայմանագիրը ավարտվում էր 2025 թվականի ամռանը։

Յեննեն Հայաստանում անցկացրել է չորս մրցաշրջան։ «Արարատ-Արմենիայի» կազմում նա մասնակցել է 113 հանդիպման, խփել 46 գոլ և կատարել 24 գոլային փոխանցում։ Ընթացիկ մրցաշրջանում նա մտնում է Հայաստանի Պրեմիեր լիգայի լավագույն երեք ռմբարկուների թվում՝ իր ակտիվում ունենալով 16 գնդակ։ Բացի այդ, նա հանդիսանում է ակումբի պատմության լավագույն ռմբարկուն։

ՌՊԼ տեղափոխվելը նոր փուլ կլինի Յեննեի եվրոպական կարիերայի համար, որը սկսել է 2018 թվականին՝ Սլովակիայի «Տրենչին» ակումբից։ Այնուհետ նա հանդես է եկել «Սենիցա» և «Ժիլինա» ակումբներում, իսկ 2022 թվականի սկզբին տեղափոխվել է Հայաստան, նախ խաղացել «Նորավանքի» կազմում, այնուհետև միացել «Արարատ-Արմենիային»։

Այժմ հարձակվողը հանդես կգա «Բալթիկայի» կազմում՝ Ռուսաստանի Պրեմիեր լիգայում։ Կալինինգրադյան ակումբը ընթացիկ մրցաշրջանի արդյունքում դուրս է եկել բարձրագույն դիվիզիոն։