Պաշտոնապես. Հովհաննես Հարությունյանը՝ «Նոայի» խաղացող

Հայաստանի ազգային հավաքականի կիսապաշտպան Հովհաննես Հարությունյանը կարիերան կշարունակի երկրի չեմպիոնի կազմում․ ֆուտբոլիստը երկու տարվա պայմանագիր է ստորագրել «Նոայի» հետ և հանդես կգա 99 համարի ներքո։

26-ամյա կենտրոնական կիսապաշտպանը նախորդ մրցաշրջանում խաղում էր «Արարատ-Արմենիայում», որտեղ վարձավճարով էր տեղափոխվել ռուսական «Սոչիից»։ Հարությունյանը «Սոչիի» կազմում երբեք չի հայտնվել դաշտում, իսկ 2024 թվականից երկու անգամ վարձավճարով հանդես է եկել՝ նախ «Փյունիկում», ապա՝ «Արարատ-Արմենիայում»։

Այժմ Հարությունյանը լիարժեք «Նոայի» խաղացող է և նոր թիմի հետ կմասնակցի Չեմպիոնների լիգայի որակավորման փուլին։

Կիսապաշտպանը 16 հանդիպում ունի Հայաստանի ազգային հավաքականում։