Պաշտոնապես․ Մասիմիլիանո Ալեգրին դարձել է «Միլանի» նոր գլխավոր մարզիչը

Մասիմիլիանո Ալեգրին նշանակվել է «Միլանի» գլխավոր մարզիչ։ 57-ամյա մասնագետի պայմանագիրը նախատեսված է մինչև 2027 թվականի հունիսի 30-ը՝ երկարաձգման հնարավորությամբ։

Ալեգրին այդ պաշտոնում փոխարինել է պորտուգալացի Սերժիու Կոնսեյսաուին, ով լքել էր ակումբը մրցաշրջանի ավարտից հետո։

Իտալացի մարզիչը արդեն աշխատել է «Միլանում»՝ 2010-ից 2014 թվականներին, և 2011 թվականին թիմի հետ դարձել է Իտալիայի չեմպիոն։

Ալեգրիի վերջին աշխատավայրը եղել է «Յուվենտուսը», որտեղ նա գլխավոր մարզչի պաշտոնը զբաղեցրել է 2014–2019 և 2021–2024 թվականներին։