Պաշտոնական․ Էդգար Թորոսյանը հեռացավ «Վան»-ից
- Հեղինակ: Vahe Hakobyan
- Sportaran
Ֆուտբոլային ակումբ «Վան»-ը հայտարարում է, որ դադարեցրել է համագործակցությունը թիմի գլխավոր մարզիչ Էդգար Թորոսյանի հետ։ Ինչպես տեղեկացնում է ակումբի մամուլի ծառայությունը, պայմանագիրը խզվել է կողմերի փոխադարձ համաձայնությամբ։
Ըստ ակումբի հաղորդագրության՝ մարզիչը անձնական (ընտանեկան) հարգելի պատճառներով վերջին շրջանում չի կարողացել ներկա գտնվել թիմի խաղերին։ Քննարկումներից հետո «Վանը» և Էդգար Թորոսյանը որոշել են երկկողմ համաձայնությամբ ավարտել աշխատանքային հարաբերությունները։
Ակումբը շնորհակալություն է հայտնել Թորոսյանին կատարված աշխատանքի, պրոֆեսիոնալիզմի և նվիրվածության համար՝ մաղթելով նրան հաջողություն հետագա մարզչական գործունեության մեջ։
Նշենք, որ ընթացիկ մրցաշրջանում Չարենցավանի «Վանը» մրցաշարային աղյուսակում զբաղեցնում է 7-րդ հորիզոնականը՝ իր ակտիվում ունենալով 11 միավոր։
Քննարկեք նորությունները!
Անցնել մեկնաբանություններին ↓
Comments
0