Պաշտոնապես․ Արթուր Գալոյանը վերադառնում է «Տորպեդո»
- Հեղինակ: Vahe Hakobyan
- Sportaran
Հայաստանի ազգային հավաքականի կիսապաշտպան Արթուր Գալոյանը երեք տարվա պայմանագիր է ստորագրել Մոսկվայի «Տորպեդոյի» հետ։ Կողմերը ավարտել են 26-ամյա ֆուտբոլիստի տրանսֆերը Ռուսաստանի Պրեմիեր Լիգայի «Ակրոն» ակումբից։
Գալոյանի համար սա վերադարձ է տուն․ նա «Տորպեդոյի» սան է և արդեն ներկայացրել է ակումբը 2017-2020 թվականներին։ «Սևասպետների» կազմում Արթուրը մասնակցել է 69 խաղի, խփել է 6 գոլ և դարձել է ՊՖԼ-ի «Կենտրոն» գոտու հաղթող 2018/2019 մրցաշրջանում։
«Տորպեդոյից» հեռանալուց հետո Գալոյանը խաղացել է «Ալանիայում», «Բալթիկայում» և «Ակրոնում», որի հետ երկու անգամ նվաճել է Առաջին լիգայի բրոնզե մեդալ՝ 2022/2023 և 2023/2024 մրցաշրջաններում։ Այժմ նա կրկին կպաշտպանի իր հայրենի ակումբի գույները, որը նոր մրցաշրջանում կշարունակի պայքարը Առաջին լիգայում։
Քննարկեք նորությունները!
Անցնել մեկնաբանություններին ↓
Comments
0