Պաշտոնապես․ Արտակ Դաշյանը վերադարձել է «Փյունիկ»
- Հեղինակ: Vahe Hakobyan
- Sportaran
«Փյունիկը» հայտարարել է Արտակ Դաշյանի վերադարձի մասին։ 36-ամյա կիսապաշտպանը Երևանի ակումբ է տեղափոխվել «Նոայից», որտեղ հանդես էր գալիս մեկուկես մրցաշրջան։
«Նոայի» կազմում Դաշյանը մասնակցել է բոլոր մրցաշարերի 31 հանդիպման, խփել է 1 գոլ և կատարել 5 գոլային փոխանցում։ Թիմի հետ նա դարձել է Հայաստանի չեմպիոն և մասնակցել է ՈՒԵՖԱ-ի Կոնֆերենցիաների լիգայի հիմնական փուլին։
Ավելի վաղ Արտակ Դաշյանն արդեն պաշտպանել է «Փյունիկի» գույները՝ 2022-ից 2024 թվականներին։ Այդ ընթացքում կիսապաշտպանը նույնպես նվաճել է Հայաստանի չեմպիոնի կոչումը, իսկ թիմը հանդես է եկել եվրագավաթներում, ներառյալ Կոնֆերենցիաների լիգայի հիմնական փուլը։
Միջազգային մակարդակում Դաշյանը Հայաստանի ազգային հավաքականի կազմում անցկացրել է 27 հանդիպում և խփել 2 գոլ։
Փորձառու ֆուտբոլիստի վերադարձի մասին «Փյունիկը» հայտնել է սոցիալական ցանցերում՝ հրապարակելով կարճ հաղորդագրություն. «ՆԱ ՎԵՐԱԴԱՐՁԵԼ Է»։
Քննարկեք նորությունները!
Անցնել մեկնաբանություններին ↓
Comments
0