Պաշտոնապես․ Արտակ Դաշյանը հեռացավ «Նոայից»

Հայաստանի ազգային հավաքականի կիսապաշտպան Արտակ Դաշյանը ավարտեց իր ելույթները «Նոա» ակումբում։ 36-ամյա ֆուտբոլիստի պայմանագիրը խզվել է կողմերի փոխադարձ համաձայնությամբ։

Դաշյանը «Նոա» էր տեղափոխվել 2024 թվականի ամռանը՝ «Փյունիկից»։ Ակումբում անցկացրած ժամանակահատվածում փորձառու կիսապաշտպանը բոլոր մրցաշարերում մասնակցել է 31 հանդիպման՝ խփելով 1 գոլ և կատարելով 5 գոլային փոխանցում։

«Նոայի» կազմում Արտակ Դաշյանը դարձավ Հայաստանի չեմպիոն և նվաճեց երկրի գավաթը՝ իր ներդրումն ունենալով ակումբի պատմության ամենահաջող մրցաշրջաններից մեկում։

Կիսապաշտպանի հաշվին է նաև Հայաստանի ազգային հավաքականի կազմում անցկացրած 27 հանդիպում և խփած 2 գոլ։