«Նոան» հետաքրքրված է ճապոնացի կիսապաշտպան Տակուտո Օշիմայով

MS_Inside-ի տեղեկություններով՝ Հայաստանի չեմպիոն «Նոա» ակումբը հետաքրքրություն է ցուցաբերում 27-ամյա ճապոնացի հենակետային կիսապաշտպան Տակուտո Օշիմայի նկատմամբ։ Ֆուտբոլիստը ներկայումս հանդես է գալիս ռումինական «Ունիվերսիտատեա Կրայովա» ակումբում։

Մինչ այդ Օշիման խաղացել է սլովակյան «Միխալովցե» և լեհական «Կրակովիա» ակումբներում։ Transfermarkt կայքի տվյալներով՝ նրա շուկայական արժեքը կազմում է 1,2 միլիոն եվրո։

Անցած մրցաշրջանում կենտրոնական կիսապաշտպանը բոլոր մրցաշարերում մասնակցել է 39 հանդիպման, խփել 1 գոլ և կատարել 2 գոլային փոխանցում։

Հիշեցնենք, որ վերջերս «Նոա»-ն փոխել է գլխավոր մարզչին, իսկ թիմը հունիսի 15-ին մեկնելու է Ավստրիա՝ ուսումնամարզական հավաքի։