«Նոան» պարտվեց «Ռոստովին», Խորեն Բայրամյանը գոլ խփեց

Փետրվարի 4-ին ԱՄԷ-ի ուսումնամարզական հավաքների ընթացքում Երևանի «Նոան» անցկացրեց ընկերական խաղ «Ռոստովի» հետ։ Ռուսաստանի ակումբը հաղթեց 3:0 հաշվով։

«Ռոստովի» կազմում գոլի հեղինակ դարձավ Հայաստանի ազգային հավաքականի նախկին կիսապաշտպան Խորեն Բայրամյանը, ով խաղադաշտ մտավ 63-րդ րոպեին։ Նաեւ գոլ խփեցին Տիմուր Սուլեյմանովը և Դանիիլ Շանտալին։

Այս հանդիպումն «Նոայի» համար նախապատրաստական փուլ էր Կոնֆերենցիաների լիգայի՝ Նիդեռլանդների «ԱԶ»-ի հետ հանդիպմանը։ Հիմնական մարզիչ Սանդրո Պերկովիչն օգտագործեց մեծ թվով ֆուտբոլիստներ։

«Նոայի» մեկնարկային կազմը առաջին խաղակեսում՝ «Ռոստովի» դեմ․

Կոնեգլյան — Բոակյե, Մուրադյան, Սիլվա, Սուալեհե — Սանգարե, Օսիմա, Մանվելյան — Յակոլիշ, Այաշ, Ֆերրեյրա։

Երկրորդ խաղակեսի կազմը՝

Պլոշադնի — Ամպարձումյան, Մուրադյան, Զոլոտիչ, Բոակյե — Օսիմա, Համոյան — Ավանեսյան, Յակոլիշ — Այաշ, Մուլահուսեյնովիչ։

Փոխարինման դուրս եկան՝ Հարությունյան, Ուլադ Օմար, Միսակ Հակոբյան և մի քանի երիտասարդ ֆուտբոլիստներ։

«Նոան» ձմեռային հավաքներն ավարտելու է երկու ստուգողական խաղով փետրվարի 7-ին՝ «Աստանայի» (Ղազախստան) և «Յուննան Յուկունի» (Չինաստան) դեմ։