«Նոա» — «ԱԶ Ալկմար». Կոնֆերենցիաների լիգայի 1/16 եզրափակչի վիճակահանության ամբողջական արդյունքները
- Հեղինակ: Vahe Hakobyan
- Sportaran
Հունվարի 16-ին տեղի ունեցավ ՈՒԵՖԱ-ի Կոնֆերենցիաների լիգայի 2025/26 մրցաշրջանի 1/16 եզրափակչի վիճակահանությունը, որի արդյունքում հայտնի դարձան փլեյ-օֆֆ փուլի բոլոր զույգերը։
Հայաստանի ներկայացուցիչ «Նոա» ակումբը մրցակից ստացավ Նիդերլանդների «ԱԶ Ալկմար» թիմին։
Առաջին հանդիպումը Երևանի թիմը կանցկացնի տնային հարկի տակ փետրվարի 19-ին, իսկ պատասխան հանդիպումը կկայանա փետրվարի 26-ին Ալկմարում։
«Նոայի» մյուս հնարավոր մրցակիցը սլովենական «Ցելյե»-ն էր, սակայն վերջինս ի վերջո կմրցի կոսովական «Դրիտա»-ի դեմ։ Այս առումով վիճակահանությունը չի կարելի անվանել ամենահաջողը հայկական ակումբի համար, քանի որ այն հանդիպելու է մրցաշարի ամենափորձառու և հեղինակավոր մասնակիցներից մեկին։
Կոնֆերենցիաների լիգայի 1/16 եզրափակչի բոլոր զույգերը
ԿուՊՍ Կուոպիո (Ֆինլանդիա) — Լեխ Պոզնան (Լեհաստան)
Նոա (Հայաստան) — ԱԶ Ալկմար (Նիդերլանդներ)
Զրինյսկի (Բոսնիա և Հերցեգովինա) — Կրիստալ Փելաս (Անգլիա)
Յագելոնյա (Լեհաստան) — Ֆիորենտինա (Իտալիա)
Շկենդիա (Հյուսիսային Մակեդոնիա) — Սամսունսպոր (Թուրքիա)
Դրիտա (Կոսովո) — Ցելյե (Սլովենիա)
Սիգմա Օլոմոուց (Չեխիա) — Լոզաննա-Սպորտ (Շվեյցարիա)
Օմոնիա (Կիպրոս) — Ռիեկա (Խորվաթիա)
Երկխաղյա դիմակայությունների հաղթողները դուրս կգան մրցաշարի 1/8 եզրափակիչ և կշարունակեն պայքարը ՈՒԵՖԱ-ի Կոնֆերենցիաների լիգայի գավաթի համար։
1/8 եզրափակչի վիճակահանությունը կկայանա փետրվարի 27-ին։
Քննարկեք նորությունները!
Անցնել մեկնաբանություններին ↓
Comments
0