«Նոան» ընկերական խաղում հաղթեց «Դունայսկա Ստրեդային»

Հայկական «Նոա» ակումբը Չեմպիոնների լիգայի որակավորման նախապատրաստական փուլի շրջանակում ընկերական հանդիպում անցկացրեց սլովակական «Դունայսկա Ստրեդայի» հետ և հաղթեց 2:1 հաշվով։ Հանդիպումը կայացավ հունիսի 27-ին Հունգարիայի Չորնա քաղաքում։

Հայկական թիմի երկու գոլերն էլ խփվել են 11 մետրանոցից՝ աչքի են ընկել Գոր Մանվելյանը և Գոնսալո Գրեգորիուն։ «Նոայի» կազմում դեբյուտային հանդիպում անցկացրին երկու նորեկներ՝ արդեն ներկայացված ճապոնացի կիսապաշտպան Տակուտո Օշիման և 30-ամյա խորվաթ եզրային հարձակվող Ալեն Գրգիչը, ով նախկինում հանդես է եկել խորվաթական «Սլավենում»։ Վերջինիս տրանսֆերը պաշտոնապես դեռ չի հայտարարվել։

«Նոայի» կազմը հանդիպման ժամանակ.

Նոա՝ Չանկարևիչ (Կ) (63′ Կոնեգլյան), Զոլոտիչ (82′ Մովսեսյան), Մուրադյան (46′ Մբիլիա), Սիլվա (88′ Դոխոյան), Սանգարե (63′ Դաշյան), Օշիմա (46′ Էտեկի), Մանվելյան (46′ Օմար Ուլադ), Պինսոն (63′ Գամբոշ), Ֆերրեյրա (63′ Խուդավերդյան), Գրեգորիու (63′ Այաս), Գրգիչ (46′ Ֆոֆանա)։

Մարզիչ՝ Սանդրո Պերկովիչ։

Այս հաղթանակը հերթական քայլն էր «Նոայի» նախապատրաստման գործընթացում՝ Չեմպիոնների լիգայի որակավորման առաջին փուլում «Բուդուչնոստի» հետ առաջիկա հանդիպմանը։