«Նոան» արտագնա խաղում հաղթեց «Շիրակին»՝ 2:0
- Հեղինակ: Vahe Hakobyan
- Sportaran
Երևանի «Նոան» Հայաստանի առաջնության 18-րդ տուրի արտագնա խաղում վստահ հաղթանակ տարավ «Շիրակի» նկատմամբ՝ 2:0 հաշվով։
Հանդիպման հաշիվը բացեց ռումինացի վինգեր Վալենտին Կոստակեն։ Գոռ Մանվելյանի անկյունային փոխանցումից հետո նա դիպուկ հարվածեց դարպասին և խփեց իր առաջին գոլը Հայաստանի առաջնությունում։ Ավելի վաղ Կոստակեն արդեն աչքի էր ընկել Հայաստանի գավաթի խաղարկությունում։
Երկրորդ խաղակեսում «Նոան» մեծացրեց իր առավելությունը։ Այս անգամ Կոստակեն հանդես եկավ որպես ասիստենտ․ նրա փոխանցումը գոլի վերածեց Ներմին Զոլոտիչը՝ սահմանելով հանդիպման վերջնական հաշիվը։
Խաղի վերջնամասում հյուրերը կարող էին հաշիվը դարձնել խոշոր։ Էլդեր Ֆերեյրան գնդակը ուղարկեց դարպասը, սակայն VAR համակարգի դիտումից հետո գոլը չհաշվեցվեց՝ խաղից դուրս վիճակի պատճառով։
Այս հաղթանակից հետո գործող չեմպիոնները հավաքեցին 29 միավոր և շարունակում են զբաղեցնել հինգերորդ տեղը մրցաշարային աղյուսակում։ 18-րդ տուրի արդյունքներով Սանդրո Պերկովիչի թիմը կարողացավ կրճատել միայն «Ալաշկերտից» ունեցած հետ մնալը, որը պարտվեց «Փյունիկին», մինչդեռ առաջատարների խմբի մյուս թիմերը նույնպես հաղթանակներ տարան։
Հաջորդ տուրում «Նոան» կրկին կհանդիպի «Շիրակի» հետ, սակայն այս անգամ սեփական հարկի տակ։
Քննարկեք նորությունները!
Անցնել մեկնաբանություններին ↓
Comments
0