«Նոան» դոմինանտ է․ 36-ից 36 և ֆանտաստիկ գոլերի տարբերություն՝ 166:0

«Նոայի» կանանց թիմը շարունակում է վստահորեն գլխավորել Հայաստանի Առաջին լիգան՝ ցուցադրելով բացարձակ գերազանցություն մրցակիցների նկատմամբ։ Հերթական տուրից հետո թիմը հավաքել է առավելագույնը՝ 36 միավոր 36 հնարավորից, իսկ խփած և բաց թողած գոլերի տարբերությունը հասել է տպավորիչ՝ 166:0-ի։

Վերջին տուրում «Նոան» 36:0 հաշվով ջախջախեց «Արարատին»։ Սակայն նույնիսկ այս արդյունքը չդարձավ մրցաշարի ամենախոշոր հաղթանակը։ Ավելի վաղ «Սարդարապատը» նույն «Արարատին» հաղթել էր էլ ավելի խոշոր հաշվով՝ 37:0։

Հատկանշական է, որ լիգայի երկու ամենարդյունավետ թիմերի միջև դիմակայությունն ավարտվել է «Նոայի» վստահ հաղթանակով՝ 10:0, ինչը ևս մեկ անգամ հաստատեց թիմի առաջատարի կարգավիճակը։

Հայաստանի Բարձրագույն լիգայում նույնպես գրանցվում են խոշոր հաղթանակներ, թեև ոչ այսքան մեծամասշտաբ։ Այստեղ առաջատարը «Փյունիկն» է, որը 11 տուրում հավաքել է 33 միավոր և նույնպես հանդես է գալիս առանց կորուստների։ Այս դիվիզիոնում ամենախոշոր հաղթանակը գրանցվել է «Գանձասարի» դեմ խաղում՝ 16:1։

Հայաստանի Բարձրագույն լիգայի լավագույն ռմբարկուն Հայաստանի հավաքականի ֆուտբոլիստուհի Վերոնիկա Ասատրյանն է («Փյունիկ»), որը 11 տուրում խփել է 17 գոլ։

Իսկ Առաջին լիգայում անհավանական 46 գոլ ունի Նարե Հյվհաննիսյանը («Նոա»)։