Նիկոլայ Տերտերյանը նոկաուտի ենթարկեց մրցակցին 48 վայրկյանում իր դեբյուտային մենամարտում
- Հեղինակ: Vahe Hakobyan
- Sportaran
Հայ բռնցքամարտիկ Նիկոլայ Տերտերյանը (1-0) փայլուն հաղթանակով մեկնարկեց իր պրոֆեսիոնալ կարիերան։ Հուլիսի 12-ին ԱՄՆ Ֆրեզնո քաղաքում կայացած բռնցքամարտի երեկոյին նա առաջին ռաունդի ընդամենը 48-րդ վայրկյանին նոկաուտի ենթարկեց Իսսա Աջիլաթին (0-2)։
24-ամյա Տերտերյանը նախկինում Դանիայի հավաքականի կազմում հանդես է եկել սիրողական մակարդակում՝ մասնակցելով 2024 թվականի Օլիմպիական խաղերին և հաղթելով Եվրոպական խաղերում։
Նիկոլայի պրոֆեսիոնալ դեբյուտին ուղեկցեց խորհրդանշական ժեստ․ նա և ամբողջ թիմը ռինգ դուրս եկան Հայաստանի ֆուտբոլի հավաքականի մարզաշապիկներով՝ ընդգծելով իրենց ծագումն ու կապը հայրենիքի հետ։
Տպավորիչ ելույթը Ֆրեզնոյում հիանալի մեկնարկ դարձավ այս խոստումնալից հայ-դանիացի բռնցքամարտիկի համար։
Նշենք նաև, որ այդ օրը պետք է մենամարտեր նաև Նիկոլայի երկվորյակ եղբայրը՝ Սեբաստյանը, սակայն նրա մենամարտը չեղարկվեց մրցակցի վնասվածքի պատճառով։
Քննարկեք նորությունները!
Անցնել մեկնաբանություններին ↓
Comments
0