Նարեկ Վարդանյան՝ ձյուդոյի երիտասարդական Եվրոպայի առաջնության արծաթե մեդալակիր

Բրատիսլավայում շարունակվում է 2025 թ․ ձյուդոյի երիտասարդական Եվրոպայի առաջնությունը։ Մինչև 73 կգ քաշային կարգում Շվեդիայի հավաքականը ներկայացնող Նարեկ Վարդանյանը նվաճեց արծաթե մեդալ։

Եզրափակիչ դուրս գալու ճանապարհին Վարդանյանը վստահ հաղթանակներ տարավ Իտալիայի, Իսրայելի, Ֆրանսիայի և Մեծ Բրիտանիայի ներկայացուցիչների նկատմամբ։ Վճռորոշ գոտեմարտում նա հանդիպեց Մեծ Բրիտանիան ներկայացնող Իրակլի Գոգինաշվիլիի հետ և պարտություն կրելով՝ արժանացավ արծաթին։

Հայաստանը առաջնությունում ներկայացնում են նաև երիտասարդ ձյուդոիստները․

• Գոռ Սաֆարյան (60 կգ) հաղթեց բելգիացուն, սակայն հետո պարտվեց ապագա չեմպիոն, ադրբեջանցի Նիշադ Մամիշևին։

• Վագե Աղասյան (60 կգ) հաղթեց իսպանուն, սակայն պարտվեց ֆրանսիացի մարզիկին։

• Ժիրայր Համբարյան (66 կգ) հաղթեց պորտուգալացուն, բայց պարտվեց ֆրանսիացուն։

• Լևա Սրապյան (66 կգ) հաղթեց լիտվացուն, սակայն չկարողացավ անցնել վրացի մրցակցին։

• Գոռ Կարապետյան (100 կգ) սեպտեմբերի 6-ին դուրս կգա տատամի։ Նրա առաջին մրցակիցը կլինի Սերբիան ներկայացնող Լազար Զդրալեն։

2025 թ․ ձյուդոյի երիտասարդական Եվրոպայի առաջնությունը անցկացվում է Սլովակիայի մայրաքաղաք Բրատիսլավայում և կավարտվի սեպտեմբերի 6-ին։