Նարեկ Խաչիկյանը պայմանագիր է կնքել ONE FC-ի հետ և կանցկացնի իր դեբյուտային մենամարտը
- Հեղինակ: Vahe Hakobyan
- Sportaran
Հայ կիքբոքսեր Նարեկ Խաչիկյանը պայմանագիր է կնքել աշխարհի խոշորագույն մարտարվեստային կազմակերպություններից մեկի՝ ONE Championship-ի հետ։
Կազմակերպությունում իր դեբյուտային մենամարտը Խաչիկյանը կանցկացնի արդեն մարտի 20-ին Բանգկոկում կայանալիք ONE Friday Fights 147 մրցաշարի շրջանակում։ Նրա մրցակիցը կլինի Ճապոնիան ներկայացնող Ռիյոգա Տերայաման։ Մենամարտը կանցկացվի կիքբոքսինգի կանոններով՝ միջանկյալ քաշային կարգում (catchweight)։
Ավելի վաղ Նարեկ Խաչիկյանը եղել է Հայաստանի մուայ-թայի ազգային հավաքականի անդամ և ներկայացրել է Հայաստանը 2023 թվականի Եվրոպական խաղերում։
Հիշեցնենք, որ հայկական կիքբոքսինգի մեկ այլ ներկայացուցիչ՝ լեգենդար Մարատ Գրիգորյանը, նույնպես պատրաստվում է մենամարտի ONE Championship-ում։ Նրա մենամարտը նախատեսված է ապրիլի 29-ին և կկայանա Տոկիոյում։
Քննարկեք նորությունները!
Անցնել մեկնաբանություններին ↓
Comments
0