Նարեկ Գրիգորյանը աչքի է ընկել «Ֆարուլի» հաղթական խաղում «ՉՖՐ»-ի դեմ (ՏԵՍԱՆՅՈՒԹ)

«Ֆարուլի» հայկական կիսապաշտպան Նարեկ Գրիգորյանը օգնեց իր թիմին Ռումինիայի առաջնության 14-րդ տուրում 2:0 հաշվով հաղթել «ՉՖՐ» Կլուժին։

24-ամյա ֆուտբոլիստը խփեց խաղի երկրորդ գոլը և այն նվիրեց իր զոհված պապիկին։ Գրիգորյանը դաշտում անցկացրեց 82 րոպե և SofaScore-ի վարկածով ստացավ 8.3 գնահատական՝ դառնալով հանդիպման լավագույններից մեկը։

Բացի խփած գոլից, Նարեկը աչքի է ընկել ակտիվ խաղով․ 6 հարված դարպասին, 1 ստեղծած գոլային պահ, 4 հիմնական փոխանցում, 2 հաջող դրիբլինգ, ինչպես նաև մեկական խլում, գնդակի վերցում և մաքրել գնդակը։

Այս գոլը Գրիգորյանի առաջինն է ընթացիկ Ռումինիայի Սուպերլիգայի մրցաշրջանում։