Վարգն ու Սալլայը չեն խաղա Հայաստանի դեմ

Հոկտեմբերի 11-ին Բուդապեշտում Հայաստանի ազգային հավաքականը կանցկացնի ԱԱ-2026-ի ընտրական մրցաշարի երրորդ տուրի հանդիպումը Հունգարիայի դեմ։ Այս խաղը կարող է վճռորոշ լինել F խմբում երկրորդ տեղի համար պայքարում։ Երկու տուրից հետո Հայաստանը երկրորդ տեղում է 3 միավորով, իսկ Հունգարիան ՝ չորրորդ՝ 1 միավորով։

Հունգարիայի համար Հայաստանի դեմ տնային խաղը հիանալի հնարավորություն է առաջին հաղթանակը տանելու։ Սակայն գլխավոր մարզիչ Մարկո Ռոսսին չի կարողանա ապավինել թիմի երկու առաջատար հարձակվողներին՝ Ռոլանդ Սալլային և Բառնաբաշ Վարգային, ովքեր բաց կթողնեն հանդիպումը որակազրկումների պատճառով։

Առաջին երկու տուրերում հենց նրանք էին խփել Հունգարիայի բոլոր գոլերը․ Վարգան աչքի ընկավ երեք անգամ (երկուսը Պորտուգալիայի դեմ և մեկը՝ Իռլանդիայի), իսկ Սալլայը գրավել էր իռլանդացիների դարպասը։ Հետևաբար, նրանց բացակայությունը լուրջ կորուստ է։

Սալլայը կարմիր քարտ ստացավ Իռլանդիայի դեմ խաղի 52-րդ րոպեին։ ՈՒԵՖԱ-ի որոշմամբ՝ 28-ամյա վինգերը որակազրկվել է երկու խաղով․ նա արդեն բաց է թողել Պորտուգալիայի դեմ հանդիպումը և այժմ չի խաղա Հայաստանի դեմ։ Իսկ Վարգան որակազրկվել է դեղին քարտերի ավելորդության պատճառով։

Չնայած Հունգարիայի հավաքականում խաղացողների լայն ընտրությանը, կենտրոնական հարձակվողի դիրքում Վարգային հավասարարժեք փոխարինող չկա («Ֆերենցվարոշի» հարձակվող, գնահատված է 2.2 մլն եվրո)։

Սեպտեմբերյան հանդիպումների համար հրավիրված են եղել հետևյալ ֆորվարդները․

• Բառնա Տոտ («Պակշ», 500 հազ. եվրո)

• Ժոմբոր Գրուբեր («Ֆերենցվարոշ», 500 հազ. եվրո)

• Դանիել Լուկաչ («Պուշկաշ Ակադեմիա», 300 հազ. եվրո)

Նրանք միասին հավաքականում անցկացրել են ընդամենը 42 րոպե։

Հունգարական մամուլը (magyarnemzet) գրում է նաև «Պակշի» 38-ամյա հարձակվող Դանիել Բոդեի հնարավոր վերադարձի մասին։ Նա անցած մրցաշրջանում խփել է 15 գոլ Հունգարիայի առաջնությունում։ Վերջին անգամ հավաքականի կազմում խաղացել է 2018-ին։ Մյուս հարձակվողը՝ Ադամ Մարտինը, որը մասնակցել է ԵՎՐՈ-2024-ին, այժմ վերականգնվում է վնասվածքից։

F խմբի վիճակագրությունը երկու տուրից հետո․

• Պորտուգալիա — 6 միավոր

• Հայաստան — 3 միավոր

• Հունգարիա — 1 միավոր

• Իռլանդիա — 1 միավոր