Նաիր Տիկնիզյանը գոլի հեղինակ դարձավ «Ցրվենա Զվեզդայում» իր դեբյուտային խաղում (ՏԵՍԱՆՅՈՒԹ)
Ֆուտբոլ
💬
Comment
- Հեղինակ: Vahe Hakobyan
- Sportaran
Հայաստանի ազգային հավաքականի պաշտպան Նաիր Տիկնիզյանը հաջող դեբյուտ ունեցավ սերբական «Ցրվենա Զվեզդա» ակումբում՝ խփելով գոլ իր առաջին իսկ հանդիպման ժամանակ։ Պայմանագիր ստորագրելուց ընդամենը երկու օր անց Տիկնիզյանը մեկնարկային կազմում էր Չեռնոգորական «Սուտյեսկայի» դեմ խաղում, որն անցկացվում էր հունիսի 24-ին՝ Զլատիբորի ուսումնամարզական հավաքի ընթացքում։
Խաղի 23-րդ րոպեին Տիկնիզյանը բացեց խաղի հաշիվը՝ դառնալով առաջին գոլի հեղինակ։ Նա հանդես էր գալիս ձախ պաշտպանի դիրքում և շատ ակտիվ էր հարձակման փուլերում։ Առաջին կեսը ավարտվեց սերբական թիմի նվազագույն առավելությամբ՝ 1:0։ Երկրորդ կեսում «Ցրվենա Զվեզդան» ամբողջությամբ փոխեց կազմը և հաղթեց 5:0 հաշվով։
Հաջորդ խաղը «Ցրվենա Զվեզդան» կանցկացնի հունիսի 29-ին՝ ռուսական «Զենիթի» դեմ։
Քննարկեք նորությունները!
Անցնել մեկնաբանություններին ↓
Comments
0