Նայր Տիկնիզյանը գոլային փոխանցում արեց «Ցրվենա Զվեզդայի» խոշոր հաղթանակում (ՎԻԴԵՈ)

«Ցրվենա Զվեզդան» Սերբիայի Սուպերլիգայի 8-րդ տուրի խաղում 7:1 հաշվով ջախջախեց «Ժելեզնիչարին»։ Ալեքսանդար Կատայը ձևակերպեց հեթ-տրիկ, իսկ Իվանիշը, Խանդելը, Ռադոնյիչը և Լուչիչը նույնպես աչքի ընկան։

Առաջին գոլային փոխանցման հեղինակը դարձավ Հայաստանի պաշտպան Նայր Տիկնիզյանը, որը սեպտեմբերին Հայաստանի հավաքականի՝ Իռլանդիայի դեմ խաղում նույնպես կատարել էր գոլային փոխանցում։

Արդեն 3-րդ րոպեին Տիկնիզյանը փայլուն անցում կատարեց ձախ եզրով, ներխուժեց տուգանային և ճշգրիտ փոխանցում տվեց իր գործընկերոջը։

Տիկնիզյանի խաղային վիճակագրությունը.

• Դաշտում անցկացրած րոպեներ՝ 65
• Գոլային փոխանցումներ՝ 1
• Ճշգրիտ փոխանցումներ՝ 36 (90%)
• Բանալի փոխանցումներ՝ 1
• Ստեղծած գոլային պահեր՝ 1
• Հաջող դրիբլինգներ՝ 2/4
• Կենտրոնացումներից՝ 1/2
• Գնդակ կորուստներ՝ 8
• Ֆաուլեր՝ 1
• Հաղթած մենամարտեր՝ 6/10
• Գլխով խաղ՝ 1/1
• Գնդակ խլումներ՝ 4
• Հեռացումներ՝ 1
• SofaScore գնահատական՝ 7.4