Նաիր Տիկնիզյանն ու Գեորգի Հարությունյանը կհանդիպեն Ավստրիայում հավաքների ընթացքում

Հայաստանի ազգային հավաքականի պաշտպաններ Նաիր Տիկնիզյանն ու Գեորգի Հարությունյանը դեմ առ դեմ կհանդիպեն Ավստրիայում՝ 13 հուլիսի տեղի ունենալիք ստուգողական խաղի շրջանակում։ Նրանց թիմերը՝ Սերբիայի չեմպիոն «Ցրվենա Զվեզդան» և Հունգարիայի «Պուշկաշ Ակադեմիան», կհանդիպեն միմյանց։

Տիկնիզյանը այս ամառ է միացել «Ցրվենա Զվեզդային» և արդեն մասնակցել է երկու ստուգողական խաղի՝ մեկ գոլի հեղինակ դառնալով։ Թիմը պատրաստվում է Չեմպիոնների լիգայի որակավորման երկրորդ փուլի խաղին, որտեղ հուլիսի 22-ին կհանդիպի «Վիկինգուր» (Ֆարերներ) – «Լինքոլն» (Ջիբրալթար) զույգի հաղթողի հետ։

Հարությունյանը միացել է «Պուշկաշին» 2025-ի ձմռանը և արագորեն դարձել է հիմնական կազմի խաղացող։ Այս մրցաշրջանում նրան սպասում է եվրագավաթային դեբյուտ․ հուլիսի 24-ին թիմը կհանդիպի Կիպրոսի «Արիսին»՝ Կոնֆերենցիաների լիգայի որակավորման շրջանակում։

«Ցրվենա Զվեզդայի» ստուգողական խաղերը Ավստրիայում.

• Հուլիսի 4․ ՍԿՈ Ամշտետտեն – Ցրվենա Զվեզդա

• Հուլիսի 9․ Բլաու Վայս Լինց – Ցրվենա Զվեզդա

• Հուլիսի 10․ ՏՍՎ Հարտբերգ – Ցրվենա Զվեզդա

• Հուլիսի 13․ Ցրվենա Զվեզդա – Պուշկաշ Ակադեմիա

«Պուշկաշ Ակադեմիայի» ստուգողական խաղերը Ավստրիայում.

• Հուլիսի 9․ Պուշկաշ Ակադեմիա – Ավստրիա Զալցբուրգ

• Հուլիսի 13․ Ցրվենա Զվեզդա – Պուշկաշ Ակադեմիա

• Հուլիսի 16․ Պուշկաշ Ակադեմիա – Պոլեսիե Ժիտոմիր

«Ցրվենա Զվեզդան» հավաք կանցկացնի Ավստրիայում հուլիսի 3-ից 16-ը, իսկ «Պուշկաշ Ակադեմիան» կսկսի իր նախապատրաստական փուլը հուլիսի 5-ին Գայնբերգում՝ ներքին հավաքից հետո, որն անցկացվում է Ֆելչուտում։ Երկու թիմերն էլ մարզումները կանցկացնեն օրական երկու անգամ։