Նաիր Տիկնիզյանը նորամուտ է կատարում Չեմպիոնների լիգայի մեկնարկային կազմում

Այսօր՝ հուլիսի 22-ին, սերբական «Ցրվենա Զվեզդան» կանցկացնի իր առաջին հանդիպումը Չեմպիոնների լիգայի 2025/26 մրցաշրջանում։ Երկրորդ որակավորման փուլի շրջանակում թիմը կհանդիպի Գիբրալթարի «Լինքոլնին»։ Խաղի մեկնարկը՝ Երևանի ժամանակով 20:00-ին (Մոսկվայի ժամանակով՝ 19:00), հանդիպումը կանցկացվի Գիբրալթարում։

Սերբիայի չեմպիոնների մեկնարկային կազմում խաղադաշտ դուրս կգա Հայաստանի հավաքականի պաշտպան Նաիր Տիկնիզյանը։ Սա նրա նորամուտն է Չեմպիոնների լիգայում, թեև դեռ որակավորման փուլում։

«Ցրվենա Զվեզդայի» մեկնարկային կազմը.
Մատեուս — Սեուլ, Ռոդրիգո, Վելկովիչ, Տիկնիզյան — Էլշնիկ, Կրունիչ — Միլսոն, Կատայ, Իվանիչ — Բրունո Դուարտե։