Նաիր Տիկնիզյանը դեբյուտը նշեց Չեմպիոնների լիգայում, «Ցրվենա Զվեզդան» հաղթեց փոքրամասնությամբ

Հուլիսի 22-ին մեկնարկեց «Ցրվենա Զվեզդայի» 2025/26 մրցաշրջանի Չեմպիոնների լիգայի արշավը։ Երկրորդ որակավորման փուլի առաջին խաղում Սերբիայի չեմպիոնը նվազագույն հաշվով՝ 1:0, հաղթեց Ջիբրալթարի «Լինքոլնին»՝ արտագնա խաղում։

Չնայած ֆավորիտի կարգավիճակին՝ բելգրադցիների համար հանդիպումը բարդ ստացվեց։ Արդեն 41-րդ րոպեին «Ցրվենա Զվեզդան» մնաց 10 ֆուտբոլիստով՝ հարավկորեացի պաշտպան Սեո Յանգ Ուի կարմիր քարտի պատճառով։ Տանտերերը առավելություն ունեին հարվածների քանակով, սակայն չկարողացան գոլի վերածել իրենց պահերը։

Հայաստանի հավաքականի պաշտպան Նաիր Տիկնիզյանը մասնակցեց ամբողջ խաղին «Ցրվենա Զվեզդայի» կազմում՝ իր դեբյուտը նշելով Չեմպիոնների լիգայում։

Պատասխան խաղը կանցկացվի հուլիսի 29-ին Բելգրադում։ Զույգի հաղթողը կանցնի Չեմպիոնների լիգայի որակավորման երրորդ փուլ, իսկ պարտվողը կշարունակի պայքարը Եվրոպայի լիգայում՝ մրցելով «Նոա» — «Ֆերենցվարոշ» զույգի պարտվողի հետ։